روضہ مبارک حضرت عباس(ع) کی مجازی زیارت کریں اور روضہ مبارک کے ہر حصہ میں چہل قدمی کا شرف حاصل کریں

روضہ مبارک حضرت عباس(ع) کے الکفیل آرٹسٹک پروڈکشن سنٹر نے روضہ مبارک کا ایک تفصیلی پینوراما تیار کیا ہے کہ جس کی بدولت زیارت کے خواہش مند تمام مومنین کی تمنا کسی حد تک پوری ہو سکتی ہے اور وہ دنیا کے کسی بھی کونے میں بیٹھ کر مجازی طور روضہ مبارک حضرت عباس(ع) کے ہر حصے میں جا سکتے ہیں اور مرسم زیارت ادا کر سکتے ہیں۔

مجازی زیارت کے لیے اس لنک سے استفادہ کیا جا سکتا ہے:

https://alkafeel.net/panorama/?lang=ur

اس پینوراما کا افتتاح صاحب العصر والزمان الإمام الحجّة المنتظر(عجّل الله فرجه الشريف) کے جشن میلاد کے پرمسرت موقع پر کیا گیا ہے تاکہ کورونا وائرس اور دیگر وجوہات کی بنا پر کربلا نہ پہنچ پانے والے مومنین اپنی جائے اقامت سے ہی روضہ مبارک میں مجازی طور پر حاضری اور زیارت کا شرف حاصل کر سکیں۔

الکفیل آرٹسٹک پروڈکشن سنٹر کے ڈائریکٹر بشیر تاجر نے الکفیل نیٹ ورک کے ساتھ گفتگو کرتے ہوئے کہا: ہم نے روضہ مبارک حضرت عباس(ع) کے میڈیا سیکشن کے شعبہ برائے انفارمیشن ٹیکنالوجی و نیٹ ورکس کے تعاون سے اس خدمت کا آغاز کیا ہے کہ جسے کورونا وائرس کی وجہ سے پیدا ہونے والی صورت حال اور روضہ مبارک حضرت عباس(ع) کی زیارت کے لیے مومنین کے نہ پہنچ پانے کو مدنظر رکھتے ہوئے تیار کیا گیا ہے۔
انہوں نے مزید بتایا کہ اس مجازی زیارت کے دوران مومنین روضہ مبارک ان حصوں بھی جا سکتے ہیں کہ جہاں عام طور پر جانا ممکن نہیں ہوتا اور نہ ہی وہاں تک ہر ایک کو رسائی دی جاتی ہے۔
اس پینوراما کے لیے تصاویر کھیچنے والے فوٹوگرافر سامر حسینی نے بتایا ہے کہ اس پینوراما کو ہائی ریزولوشن پر مشتمل (250) سے زیادہ تصاویر سے تیار کیا گیا ہےاور ہر حصہ کو (360) ڈگری پر ترتیب دیا گیا ہے تاکہ اس مجازی زیارت میں زائر باآسانی روضہ مبارک کے کسی بھی حصہ میں چل پھر سکے۔