العربية
English
فارسى
Türkçe
Français
Deutsch
Kiswahili
Español
Azərbaycan
روضہ مبارک حضرت عباس علیہ السلام کے شعبہ صحن الشریف کے نائب سربراہ سید زین العابدین القریشی نے کہا کہ روضہ مبارک حضرت عباس علیہ السلام نے شب قدر اور امیر المومنین حضرت علی علیہ السلام کے ایام شہادت کے موقع پر زائرین کی کثیر تعداد کی آمد کے پیش نظر ایک مربوط اور جامع منصوبہ مرتب کیا ہے تاکہ انہیں بہترین خدمات فراہم کی جا سکیں۔
انہوں نے مزید کہا کہ مراسم زیارت کی ادائیگی اور زائرین کی نقل و حرکت کو آسان اور منظم بنانے کے لیے شعبہ صحن الشریف کی جانب سے ایک تنظیمی منصوبہ تیار کیا گیا ہے، جس کی ابتداء پورے روضہ مبارک میں غم اور سوگ کے مظاہر پھیلانے سے کی گئی تھی، ہمارے عملے نے روضہ مبارک حضرت عباس علیہ السلام کے صحن مقدس میں شب قدر کی پہلی رات میں عبادت اور اعمال کی ادائیگی کے لئے بھی خصوصی جگہیں تیار کیں ہیں اور قرآن کریم کے 20,000 سے زائد نسخے، مقبول دعائیں اور زیارات کی کتابیں بھی رکھی ہیں۔
انہوں نے کہا کہ روضہ مبارک حضرت عباس علیہ السلام کے تمام شعبہ جات خاص طور پر سروس افیئرز ڈیپارٹمنٹ، شعبہ مذہبی امور، شعبہ خطابت، شعبہ مضیف نے زائرین کے استقبال کے لئے تیاریاں مکمل کر لی ہیں۔
