العمید یونیورسٹی میں انسانی حقوق کےبارے میں ایک خصوصی تربیتی کورس کا انعقاد

العمید یونیورسٹی نے انسانی ہیومن رائٹس کمیشن کے تعاون سے انسانی حقوق کے بنیادی اصولوں پر ایک خصوصی تربیتی کورس کا انعقاد کیا۔

یہ کورس العمید یونیورسٹی میں ہیومن رائٹس کمیشن کے بغداد اور کربلا آفس کے تعاون سے منعقد کیا گیا تھا، جو تین دن تک جاری رہا، جس میں یونیورسٹی کے اساتذہ اور عملہ کے علاوہ انسانی حقوق میں دلچسپی رکھنے والے افراد نے بھی شرکت کی۔

یونیورسٹی میں قانونی امور کے شعبے کے ڈائریکٹر ڈاکٹر احمد یعقوب نے کہا: "کورس میں بین الاقوامی چارٹر اور معاہدوں کے ذریعے تسلیم شدہ حقوق اور آزادیوں پر بات کی گئی۔ اس کے علاوہ قومی قوانین، عراقی آئین اور امام زین العابدین (علیہ السلام) کی 'رسالۃ الحقوق' کے اہم نکات پر روشنی ڈالی گئی اور ان نکات کا موازنہ بین الاقوامی معاہدوں اور قوانین کے ساتھ کیا گیا۔"

انہوں نے مزید کہا: "اس تربیتی کورس کا مقصد نوجوانوں، خاص طور پر یونیورسٹی کے طلباء میں انسانی حقوق کی ثقافت کو فروغ دینا ہے، کیونکہ یہ طلباء مستقبل میں اس ثقافت کو معاشرے کے مختلف طبقات میں پھیلانے کا کام کریں گے۔"

اپنی طرف سے ہیومن رائٹس کمیشن کے ٹرینر علی حسین نے کہا کہ "اس کورس میں اہم موضوعات پر بات کی گئی، جن میں انسانی حقوق کو ایک انسانی قدر کے طور پر سمجھنا، عالمی انسانی حقوق کا اعلامیہ اور قومی و بین الاقوامی سطح پر تحفظ کے ذرائع شامل ہیں۔"