العربية
English
فارسى
Türkçe
Français
Deutsch
Kiswahili
Español
Azərbaycan
مذکورہ بالا شعبہ کے معاون سربراہ سید مہدی موسوی نے کہا ہے کہ شعبہ نے زیارتِ نیمۂ شعبان اور اس موقع پر آنے والے زائرین کے استقبال کے لیے پہلے سے ایک جامع لائحۂ عمل تیار کر لیا تھا کہ مختلف خدمتی اور تنظیمی پہلوؤں پر مشتمل ہے، تاکہ امام مہدی(عج) کے جشن میلاد کی شب کے احیاء کے لیے آنے والے زائرین کو بہترین خدمات فراہم کی جا سکیں۔
انہوں نے مزید کہا کہ اس لائحہ عمل کے ضمن میں ہم نے 300 سے زائد ساتھی رضاکاروں کے لیے رات گزارنے کی جگہ تیار کی ہے جو ہمارے عملے کے ساتھ زائرین کو خدمات فراہم کرنے میں حصہ لیں گے، اور اس کے علاوہ 1000 سے زائد زائرین کی گنجائش والا ایک ہال بھی تیار کیا ہے جہاں رات گزارنے اور آرام کی تمام سہولیات دستیاب ہیں۔
انہوں نے بتایا ہے کہ ہمارا لائحہ عمل زائرین میں مقام امام مہدی(عج) میں بلاتعطل اور آسان آمد ورفت اور نقل وحرکت، ایمبولنس، فائر برگيڈ اور دیگر خدماتی گاڑیوں کے لیے راستہ کی فراہمی، سادۃ الخدم اور علماء کے تعاون سے دینی رہنمائی اور شرعی سوالوں کے جوابات، طبی ڈسپنسری اور فوری طبی امداد کے انتظامات شامل ہیں۔
موسوی نے مزید بتایا کہ شعبہ نے اس پرمسرت موقع کی مناسبت سے مقام امام مہدی(عج) کے گنبد کو لائٹس اور اس مبارک مقام کے تمام حصوں سمیت اس کے ارد گرد کی سڑکوں کو خوبصورت بینروں اور دیگر آرائشی اشیاء سے سجایا ہے۔
واضح رہے کہ روضہ مبارک حضرت عباس(ع) کے تمام شعبے نیمۂ شعبان کے احیاء میں شریک زائرین کو بہتر سے بہتر خدمات کی فراہمی کے لیے اپنے تمام تر وسائل وقف کیے ہوئے ہیں۔
