علقمی کمپلیکس میں زائرینِ اربعین کے استقبال اور خدمت کے لیے تیاریاں مکمل کر لی گئيں ہیں

بابل - کربلا روڈ پر واقع روضہ مبارک حضرت عباس(ع) کے علقمی کمپلیکس میں زائرینِ اربعین کے استقبال اور ان کی خدمت کے لیے تیاریاں مکمل کر لی گئيں ہیں، ایک جامع منصوبہ بندی کے تحت انجام دی گئیں یہ تیاریاں انتظامی، خدماتی، تکنیکی اور لوجسٹک پہلوؤں کا مکمل احاطہ کیے ہوئے ہیں۔

کمپلکس کے انچارج علی مہدی عباس کے مطابق، محرم الحرام کے آغاز ہی سے ہمارے عملے نے انتظامی و فنی تیاریوں کا آغاز کر دیا تھا۔ کمپلکس کو دو حصوں میں تقسیم کیا گیا ہے: ایک مرد زائرین کے لیے جبکہ دوسرا خواتین کے لیے مختص کیا گیا ہے۔ اس کے علاوہ، سورج کی تپش سے بچاؤ کے لیے کمپلکس کی بیرونی راہداریوں اور متصلہ سڑکوں کو اوپر سے جالی دار سبز کپڑے سے ڈھانپ دیا گیا ہے۔

انہوں نے مزید بتایا کہ کمپلکس کے سامنے کے حصے کو وسعت دی گئی ہے، جہاں متعدد اہم مراکز قائم کیے گئے ہیں، جن میں دینی رہنمائی مرکز، قرآن مرکز، اور ثقافتی موکب شامل ہیں۔

عباس کے مطابق، مضیف یونٹ کو تمام ضروری اشیاء فراہم کر دی گئی ہیں، جن میں کھانا پکانے کے چولہے، برتن، کولڈ اسٹوریج، اور عمومی سامان کو ذخیرہ کرنے کے لیے گودام شامل ہیں۔

مزید برآں، برقی لوڈ کو متوازن رکھنے کے لیے ایک بڑا ٹرانسفارمر نصب کیا گیا ہے، اور سامنے کے حصے کو مخصوص برقی تاروں سے مربوط کر دیا گیا۔ ہنگامی صورتحال میں پانی کی فراہمی کو برقرار رکھنے کے لیے خصوصی پائپ لائن بھی بچھائی گئی ہے۔

اندرون و بیرون ملک سے اربعین کے احیاء کے لیے آنے والے لاکھوں زائرین کی خدمت کے لیے روضہ مبارک حضرت عباس(ع) کے تمام شعبہ جات اس وقت سرگرمِ عمل ہیں تاکہ انھیں امام حسین(ع) اور حضرت عباس(ع) کے دوران پرسکون ماحول فراہم کیا جا سکے۔