شعبہ امور خدمات کی جانب سے مراسم زیارت اربعین کے اختتام پر باب بغداد سے ملحقہ علاقے میں ایک وسیع اور جامع صفائی مہم کا آغاز

روضہ مبارک حضرت عباس علیہ السلام کے شعبہ امور خدمات نے مراسم زیارت اربعین کے اختتام پر باب بغداد سے ملحقہ علاقے میں ایک وسیع اور جامع صفائی مہم کا آغاز کیا ہے۔

اس مہم کے دوران خصوصی مشینری کا استعمال کرتے ہوئے کچرا جمع کیا گیا تاکہ آنے والے دنوں میں روضہ مبارک حضرت امام حسین اور ان کے بھائی حضرت ابو الفضل العباس علیہما السلام پر حاضری دینے والے زائرین کے لیے ایک صاف، صحت مند اور آرام دہ ماحول یقینی بنایا جا سکے۔

واضح رہے کہ شعبہ خدمات نے ماہ صفر کے آغاز سے ہی اپنی تمام صلاحیتیں بروئے کار لاتے ہوئے لاکھوں زائرین کو متنوع سہولیات فراہم کرنے کے لیے بھرپور اقدامات کیے، جو زیارت اربعین کے موقع پر کربلا مقدسہ میں حاضر ہوئے تھے۔