عالمی یومِ عربی زبان کے موقع پر خصوصی علمی نشست کے لیے جمعیت العمید اور ہیئتِ علیا برائے احیاءِ تراث کا مشاورتی اجلاس

روضہ مبارک حضرت عباس(ع) سے وابستہ *جمعیت العمید برائے علوم و فکر* نے *ہیئتِ علیا برائے احیائے تراث* کے ساتھ ایک اہم اجلاس منعقد کیا، جس میں عالمی یومِ عربی زبان کے موقع پر منعقد ہونے والی علمی نشست کی تیاریوں پر تبادلۂ خیال کیا گیا۔


جمعیت العمید کے سربراہ، ڈاکٹر ریاض عمیدی نے اجلاس کی تفصیلات بیان کرتے ہوئے کہا: یہ نشست عالمی یومِ عربی زبان کے لیے منعقد کی جانے والی علمی تقریب کی تیاریوں کے سلسلے میں اہم پیش رفت تھی، جس کا مقصد عربی زبان کی علمی و تہذیبی حیثیت کو اجاگر کرنا اور علمی حلقوں کو اس زبان کے تحفظ اور فروغ کے لیے متحرک کرنا ہے۔


انہوں نے مزید کہا: دونوں اداروں نے اس بات پر اتفاق کیا کہ آئندہ بھی باہمی مشاورتی اجلاسوں کا سلسلہ جاری رکھا جائے گا تاکہ تمام انتظامات مکمل ہم آہنگی اور مؤثر حکمت عملی کے ساتھ انجام دیے جا سکیں، اور یومِ عربی زبان کی تقریب ایک ایسی ثقافتی و علمی سرگرمی بن سکے جو عربی زبان کے تاریخی مقام اور اسلامی تہذیب میں اس کے مؤثر کردار کی نمائندگی کرے۔

واضح رہے کہ مجوزہ علمی نشست میں مختلف علمی و ثقافتی سرگرمیاں شامل ہوں گی، جن کا مقصد عربی زبان کے وقار کو اجاگر کرنا اور علمی و تعلیمی حلقوں میں اس کے فروغ کی کوششوں کو تقویت دینا ہے۔