العربية
English
فارسى
Türkçe
Français
Deutsch
Kiswahili
Español
Azərbaycan
اس تقریب میں یونیورسٹی کے چانسلر ڈاکٹر نورس الدہان، وائس چانسلر برائے علمی امور ڈاکٹر نوال المیالی اور کالج کے پرنسپل ڈاکٹر فاضل اسماعیل شراد سمیت اساتذہ اور فارغ التحصیل طلباءکے اہل خانہ نے شرکت کی۔
تقریب سے خطاب کرتے ہوئے یونیورسٹی کےچانسلر ڈاکٹر نورس الدہان نے کامیاب طلبہ کو مبارکباد پیش کی۔ انہوں نے کہا کہ: "آج کا دن آپ کی برسوں کی محنت اور تعلیمی جدوجہد کا ثمر ہے اور یہ آپ کے علمی و پیشہ ورانہ سفر کا ایک اہم سنگِ میل ہے۔" انہوں نے طلبہ پر زور دیا کہ وہ عملی زندگی میں قدم رکھنے کے بعد بھی علمی فضیلت کے حصول کو جاری رکھیں، کیونکہ موجودہ دور کی مسابقتی مارکیٹ میں کامیابی کے لیے مسلسل سیکھنا ناگزیر ہے۔
اس تقریب میں میڈیکل لیبارٹری ٹیکنالوجی، اینستھیزیا (بیہوشی) ٹیکنالوجی، اور ریڈیولوجی ٹیکنالوجی کے شعبوں سے فارغ التحصیل ہونے والے طلباء شامل تھے۔
تقریب کا اختتام طلباء میں اعزازی شیلڈز کی تقسیم اور یادگاری تصاویر بنوانے کے ساتھ ہوا۔ تقریب کے شرکاء نے طلبہ کی اس اہم علمی کامیابی پر فخر اور مسرت کا اظہار کیا۔
