اانجینئرنگ مینٹیننس اینڈ کنسٹرکشن ڈیپارٹمنٹ نے نجف کربلا روڈ پر واقع مقاماتِ مقدسہ کربلا کےمشترکہ موکب میں جاری ترقیاتی کام مکمل کر لئے ہیں۔

روضہ مبارک حضرت عباس (علیہ السلام) کے انجینئرنگ مینٹیننس اینڈ کنسٹرکشن ڈیپارٹمنٹ نے نجف کربلا روڈ پر واقع مقاماتِ مقدسہ کربلا کےمشترکہ موکب میں جاری کئی ترقیاتی منصوبے مکمل کر لئے ہیں۔

اس حوالے سے مذکورہ شعبہ میں تعمیراتی ڈویژن کے سربراہ انجینئر کرار المنصوری نے بتایا کہ ہمارے عملے نے موکب میں متعدد ترقیاتی کام انجام دیے ہیں، جن میں 10 ہزار لیٹر فی کس کی گنجائش والے 17 واٹر ٹینکس کی تنصیب شامل ہے۔

انہوں نے مزید کہا کہ ان کاموں میں سینیٹری یونٹس اور کچن کو پانی کی فراہمی کے لیے تقریباً 20 میٹر طویل گرم اور ٹھنڈے پانی کی پائپ لائن بچھانے کے علاوہ، منظور شدہ اور تکنیکی و انجینئرنگ تصریحات کے مطابق 24 میٹر طویل سیوریج لائنز کی تنصیب بھی شامل ہے۔

یہ شعبہ روضہ مبارک حضرت عباس (علیہ السلام) کی مختلف سائٹس اور شعبہ جات میں خدمات کے معیار کو بہتر بنانے کے لیے تعمیراتی و ترقیاتی کاموں کا سلسلہ جاری رکھے ہوئے ہے تاکہ زائرینِ کرام کو بہترین سہولیات فراہم کی جا سکیں۔