قرآن علمی کمپلیکس کی جانب سے صوبہ صلاح الدین میں "روزانہ ایک صفحہ قرآن کی تلاوت" پروگرام کا آغاز

روضہ مبارک حضرت عباس (علیہ السلام) کے قرآن علمی کمپلیکس کی جانب سے صوبہ صلاح الدین کے ضلع طوز خورماتو میں واقع جامع و حسینیہ فاطمة الزهراء (سلام اللہ علیہا) میں "روزانہ ایک صفحہ قرآن کی تلاوت" پروگرام کا آغاز کر دیا گیا ہے۔

طوز خورماتو میں علمی کمپلیکس سے وابستہ قرآن انسٹیٹیوٹ کے سربراہ سید حسین الموسوی نے بتایا کہ اس پروگرام کے تحت روزانہ نمازِ مغربین کے بعد قرآن کریم کے ایک صفحے کی تلاوت کی جاتی ہے، جس کے بعد ایک تربیتی و اصلاحی خطاب ہوتا ہے۔ اس خطاب کا مقصد مومنین کو تلاوتِ قرآن کی اہمیت سمجھنے اور اس کی پابندی کی ترغیب دینا ہے۔

انہوں نے مزید کہا کہ قرآن کریم کے ایک صفحے کی تلاوت ان اہم تعلیمی و تربیتی سرگرمیوں میں سے ایک ہے جو کلامِ الٰہی کے ساتھ تعلق کو مضبوط بنانے اور فرد و معاشرے میں روحانی و اخلاقی اقدار کو فروغ دینے میں معاون ثابت ہوتی ہیں۔