روضہ مبارک حضرت عباس علیہ السلام کو دھونے، صاف کرنے اورہاتھ سے بنے نفیس قالین بچھانے کا کام مکمل کر لیا گیا ہے

روضہ مبارک حضرت عباس علیہ السلام کے کیئر ڈیپارٹمنٹ نے اپنے مرتب کردہ پروگرام کے مطابق روضہ مبارک حضرت عباس علیہ السلام کے تمام حصوں جن میں صحن مبارک، کوریڈورز، ہالز، ضریح مبارک اور اس سے منسلک ہال کے علاوہ روضہ مبارک سے ملحقہ ایریاز کی دھلائی اور صفائی کا کام مکمل کر لیا ہے۔ دھلائی اور صفائی کے عمل کو مکمل کرنے کے بعد روضہ مبارک حضرت عباس علیہ السلام کے صحن اطہر اور ضریح مبارک سے ملحقہ کوریڈورز میں ہاتھ سے بنے نفیس قالین بھی بچھا دیئے گئے ہیں۔

کیئر ڈیپارٹمنٹ کے سینئر آفیشل مسٹر زین العابدین نے الکفیل نیٹ ورک سے بات کرتے ہوئے کہا کہ ہمارے ڈیپارٹمنٹ کے سٹاف نے روضہ مبارک کو دھونے اور صاف کرنے کا کام رات 12 بجے کے قریب شروع کیا جسے صبح چار بجے تک مکمل کر لیا گیا کیونکہ ان اوقات میں زائرین کا رش کم ہوجاتا ہے۔ ہم روزانہ، ہفتہ وار اور ماہانہ بنیادوں پر روضہ مبارک کی باقاعدگی سے صفائی کرتے ہیں تاکہ روضہ مبارک کے روحانی ماحول، خوبصورتی اور نفاست کو برقرار رکھا جا سکے۔
روضہ مبارک حضرت عباس علیہ السلام میں نصب شدہ لائٹس، شیشوں، آئینوں اور فانوسوں کو بھی باقاعدگی سے صاف کیا جاتا ہے۔
روضہ مبارک کو دھونے اور صاف کرنے کے علاوہ اسے نہائت خاص اور عرب کی بہترین اور قیمتی خوشبوعات سے معطر بھی کیا گیا ہے۔ بعض خوشبوئات کو دھونے کے پانی میں ڈال کر استعمال کیا گیا ہے۔ جبکہ بعض خوشبوعات سے اسپرے کیا گیا ہے۔ کچھ خوشبوعات سپرے کنٹینرز میں ڈالی گئی ہیں۔ یہ روضہ مبارک کو مسلسل معطر کر رہی ہیں۔