کورونا وائرس کے مریضوں کے علاج کے لیے امام حسین(ع) میڈیکل سٹی میں ہسپتال کی تعمیر کا چوتھا مرحلہ بھی تکمیلی مراحل میں ہے۔

روضہ مبارک حضرت عباس (علیہ السلام) کی جانب سے کورونا وائرس کے مریضوں کے علاج کے لیے امام حسین(ع) میڈیکل سٹی میں ہسپتال کی تعمیر کا کام بغیر کسی وقفے سے تیزی سے جاری ہے اور انجینئرنگ مینٹیننس ڈیپارٹمنٹ انجینئرنگ مینٹیننس ڈیپارٹمنٹ کا عملہ اس منصوبے کے چوتھے مرحلے پر کام جاری رکھے ہوئے ہے اور یہ مرحلہ بھی تکمیلی مراحل میں ہے۔
اس منصوبے کے سپروائزنگ انجینئر عمار صلاح مہدی نے الکفیل نیٹ ورک سے بات کرتے ہوئے کہا کہ ہسپتال کی عمارت کھڑا کرنے کے لئے سٹیل سٹرکچر کا کام 50 فیصد کیا جا چکا ہے جبکہ سینڈوچ پینل کا استعمال کرتے ہوئے دیواریں بنانے کا کام بھی 30 فیصد تک ہوچکا ہے اور ہسپتال کو مقررہ مدت میں مکمل کرنے کے لئے 24 گھنٹوں میں تین شفٹوں میں کام کیا جا رہا ہے۔

واضح رہے اعلی دینی قیادت آیت اللہ العظمی سید علی حسینی سیستانی (دام ظلہ الوارف) کی ہدایات پر عمل درآمد کے لیے روضہ مبارک کے متولی شرعی علامہ سید احمد صافی (دام عزہ) نے کورونا کے علاج کے لیے الگ سے خاص ہسپتال بنانے کا فیصلہ کیا جس کے بعد مینٹینینس انجینیئرنگ سیکشن نے کورونا وائرس جیسی بیماریوں کے علاج کے لیے کربلا میں موجود امام حسین میڈیکل سٹی کے قریب ایک خصوصی ہسپتال کی تعمیر کا کام شروع کیا ہے کہ جس کی نگرانی اور مشاورت کے لیے روضہ مبارک کے میڈیکل کے شعبہ اور الکفیل ہسپتال کو تعینات کیا گیا ہے تاکہ اگر خدا ناخواستہ پھر کوئی اس قسم کی بیماری آتی ہے تو اس کے علاج کے لیے پہلے سے ہسپتال اور طبی تیاریاں موجود ہوں۔ اس ہسپتال میں کل 60 کمرے ہوں گے کہ جن میں 52 کمرے مریضوں کے لیے ہوں گے جبکہ آٹھ کمرے اداری امور کے لیے مختص کیے جائیں گے۔ یہ ہسپتال 1170 میٹر مربع رقبہ پر مشتمل ہے کہ جس میں ہر کمرہ دوسرے سے مکمل طور پر الگ ہو گا ہر کمرہ الگ سینیٹری یونٹ اور دیگر ضروری سہولیات پر مشتمل ہے اور انشاءاللہ جلد سے جلد اس ہسپتال کی تعمیر کا کام مکمل کردیا جائے گا تاکہ اگر خدانخواستہ وباء پھوٹنے کی صورت میں دوبارہ اس کے علاج اور اس سے نمٹنے کے لیے ہمارے پاس پہلے سے تیاریاں موجود ہوں۔