العربية
English
فارسى
Türkçe
Français
Deutsch
Kiswahili
Español
Azərbaycan
یہ سمپوزیم روضہ مبارک حضرت عباس علیہ السلام سے منسلک المرتضیٰ انٹلیکچوئل کمپلیکس کے شیخ الانصاری ہال میں منعقد کیا گیا تھا جس کا مقصد اعلی تعلیمی اداروں اور دینی مدارس سے وابستہ خواتین اساتذہ اور ماہرین تعلیم کی فکری اور ثقافتی صلاحیتوں کو فروغ دینا اور ام البنین (سلام اللہ علیہا)ای یونیورسٹی اور دیگر یونیورسٹیوں اور دینی مدارس برائے خواتین کے درمیان روابط کو مضبوط کرنا ہے۔
یونیورسٹی کے صدر شیخ حسین الترابی نے الکفیل نیٹ ورک کو بتایا: "سيّد طعمة الجبیری نے سمپوزیم میں خطاب کرتے ہوئے کہا کہ حضرت زہرا سلام اللہ علیہا مسلمان خواتین کے لئے بہترین رول ماڈل ہیں اور دور حاضر کے فکری و ثقافتی چیلنجز کا مقابلہ کرنے کے لئے ایک مسلمان عورت کو حضرت زہرا سلام اللہ علیہا سے طاقت اور رہنمائی حاصل کرنی چاہیے، کیونکہ آج کل خواتین جس طرح کی فکری و ثقافتی جنگوں کا نشانہ بنی ہوئی ہیں اس کے لئے انھیں رہنمائی اور طاقت کے ایسے سرچشمے کی ضرورت ہے جو موثر ترین اور بہترین ہو۔"
انہوں نے مزید کہا، "سید الجبیری نے اپنے لیکچرر کے دوران نسلوں کی تربیت اور پرورش کے حوالے سے ماں کے کردار کو بھی واضح کیا، کیونکہ ماں وہ پہلا اسکول ہے جس سے بچہ سب سے پہلے رابطہ میں آتا ہے۔ انھوں نے شرکاء کو سیدۃ النساء العالمین حضرت فاطمہ سلام اللہ علیہا سمیت مختلف ادوار میں بعض مومن خواتین کے نمایاں کردار کے بارے میں بتاتے ہوئے کہا کہ وہ کس طرح ہمارے لئے ایک نمونہ عمل ہیں۔"
انھوں نے اپنی بات ختم کرتے ہوئے کہا، "سید الجبیری نے اپنے لیکچر کے اختتام پرانسان کو نفس کو قابو میں رکھنے اور نافرمانی اور گناہوں سے بچنے کے لئے چند اہم نکات پربات کی۔ انھوں نے کہا کہ کیسے ہماری بچیاں اپنی تعلیمی اور سماجی زندگی کے ذریعے موجودہ حالات میں معاشرے کے لیے رول ماڈل سمجھی جا سکتی ہیں۔"
سمپوزیم کا اختتام سوالات اورجوابات کے سیشن کے ساتھ ہوا۔
