دینی تبلیغ ڈویژن کے زیر اہتمام مذہبی، تعلیمی اور مشاورتی کورسز کے انعقاد کا سلسلہ جاری

روضہ مبارک حضرت عباس علیہ السلام میں شعبہ مذہبی امور کے دینی تبلیغ ڈویژن کے زیر اہتمام مذہبی، تعلیمی اور مشاورتی کورسز کے انعقاد کا سلسلہ جاری ہے، اور اس سلسلے میں منعقد کیا جانے والا پندرہواں مذہبی تعلیمی کورس اختتام پذیر ہو چکا ہے۔ یہ کورسز روضہ مبارک حضرت عباس علیہ السلام کے متعدد شعبہ جات سے وابستہ سٹاف کے لئے ہیں تاکہ ان کی پیشہ ورانہ صلاحیتوں اور کارکردگی کو بہتر سے بہترین بنتے ہوئے زائرین کرام کو بہترین سہولیات فراہم کی جا سکیں۔

مذکورہ ڈویژن کے سربراہ سید محمد عبداللہ الموسوی نے الکفیل نیٹ ورک کو بتایا: "کورسز کا یہ سلسلہ ہمارا ڈویژن کی جانب سے منعقد کئے جانے والے اہم کورسز میں سے ایک ہے۔ یہ تعلیمی و تربیتی کورسز مرتب کیے گئے شیڈول کے مطابق اور روضہ مبارک کے کئی شعبہ جات کے تعاون سے منعقد کیے جاتے ہیں اور ان کا مقصد شرکاء کے کے دینی اورعلمی خزانوں میں اضافہ کرنا ہے تاکہ روضہ مبارک سے وابستگی کے پہلو کی مزید بہتر اور مثبت انداز میں عکاسی کرتے ہوئے زائرین کرام کو بہترین انداز میں خدمات پیش کی جا سکیں۔"

انہوں نے مزید کہا کہ "ہر کورس کا دورانیہ پندرہ دن ہے، اور اس کے لیے ایک خصوصی نصاب تیار کیا جاتا ہے اور پر کورس عقائدی، ثقافتی، رہنمائی اور اخلاقی موضوعات پر لیکچرز کے علاوہ دیگر اہم سرگرمیوں کے ساتھ ساتھ کے ڈسکشن سیشنز پر مشتمل ہوتا ہے، تاکہ کورس کے شرکاء کے سوالات اور استفسارات، چاہے وہ کورس سے متعلق ہوں یا دیگر امور سے، کے جوابات دئیے جا سکیں۔"
انہوں نے مزید کہا، "ہمیں امید ہے کہ یہ لیکچرز، جن میں ہمیں حاضرین کی طرف سے زبردست رسپانس ملا، انسان کے مذہبی اور عقیدتی پہلو کو مزید بلند کریں گے، اور کچھ ایسے تصورات کو تقویت دیں گے اور روضہ مبارک سے وابستگی کے پہلو کو مزید بہتر اور مثبت انداز میں عکاسی کریں گے ۔"