روضہ مبارک حضرت عباس(ع) کے سیکرٹری جنرل کا رمضان مبارک کی تیاریوں کا جائزہ کے لیے متعدد سروسز سائٹس کا دورہ کیا۔

روضہ مبارک حضرت عباس علیہ السلام کے سیکرٹری جنرل سید مرتضی مصطفیٰ ضیاء الدین نے رمضان مبارک کی تیاریوں کے بارے میں جاننے کے لیے روضہ مبارک کی متعدد سروسز سائٹس کا دورہ کیا۔

اس دورے کے دوران انسانی خدمات کے دفتر کے ڈائریکٹر محمد علی اظہر، انجینئرنگ مینٹیننس ڈیپارٹمنٹ کے سربراہ انجینئر قاسم الموسوی، سکیورٹی ڈیپارٹمنٹ کے نائب سربراہ سید محمد علی اور میڈیکل ڈویژن کے سربراہ سيد رضا ناجي بھی سیکرٹری جنرل کے ہمراہ تھے۔

سید مرتضی مصطفیٰ ضیاء الدین کو رمضان المبارک کے بابرکت مہینے میں فراہم کی جانے والی خدمات کے بارے میں جاننے کے لیے میڈیکل ڈویژن، شعبہ السادة الخدم اور حرم مطہر کے دیگر شعبوں کی تیاریوں کے بارے میں ایک بریفنگ دی گئی۔

یہ دورہ مقدس مہینے کے لئے تیار کیے گئے سیکیورٹی اور خدمت کے منصوبوں پر عمل درآمد کا جائزہ لینے کے لیے روضہ مبارک کے سیکرٹری جنرل کی طرف سے کیے جانے والے دوروں کے سلسلے کا ایک حصہ ہے۔

رمضان المبارک کے بابرکت مہینے کے احیاء کے لیے اپنی تمام تیاریاں مکمل کر لی ہیں اور اس ماہ مبارک کو منانے کے لئے متعدد خدماتی، ثقافتی، عبادی اور سکیورٹی منصوبے و پروگرام مرتب کئے ہیں جن کا مقصد زائرین کو بہترین خدمات فراہم کرنا ہے۔

روضہ مبارک حضرت عباس علیہ السلام نے اس ماہ مقدس کے دوران زائرین کو بہترین خدمات فراہم کرنے اور مراسم زیارت اور دعا ئیہ تقریبات کو انجام دینے کے لیے ایک خصوصی پروگرام مرتب کیا ہے۔

اس رمضان پروگرام کے تحت کربلا گورنریٹ کے اندر اور باہر متعدد قرآنی و ثقافتی سرگرمیاں اور پروگرام منعقد کئے جائیں گے جن میں خواتین کے لئے ختم القرآن محافل کا انعقاد، ماہ مقدس کی ہر شام منعقد ہونے والے سالانہ قرآنی مقابلہ، قرآن فورمز اور لیکچرز کا انعقاد، تبلیغی و تعلیمی سرگرمیوں کا انعقاد، بچوں کے لئے خصوصی قرآن پروگرام اور اس مہینے کے فضائل و برکات کو یاد دلانے کے لئے کتابچوں اور پمفلٹس کی تقسیم بھی شامل ہے۔

روضہ مبارک حضرت عباس (ع) میں شب قدر کی مبارک راتوں کے احیاء کے لئے عبادتی سرگرمیوں اورحلہ شہر میں امام حسن علیہ السلام کے جشن ولادت کی مناسبت سے خصوصی پروگرام کا انعقاد بھی کیا جائے گا۔

روضہمبارک حضرت عباس علیہ السلام کے شعبہ فکری امور سے منسلک خواتین کا الکفیل ریڈیو رمضان المبارک کے دوران خصوصی ٹرانسمیشن کے ذریعے ماہ مبارک سے متعلق ریڈیو پروگراموں کی ایک بڑی تعداد نشر کرے گا۔

جہاں تک روزہ داروں کے لیے سحر و افطار کی خدمات کا تعلق ہے، تو روضہ مبارک حضرت عباس علیہ السلام کا مضیف اس مبارک مہینے میں اپنی خدمات کو زائرین اور روزہ داروں کی تعداد کے حساب سے کئی گنا بڑھا دیتا ہے اور روزہ داروں کو سحر اور افطار کا کھانا فراہم کرتا ہے، اس کے علاوہ رمضان کا مقدس مہینے میں زائرین کی آمدورفت کے لیے بھی ٹرانسپورٹ ڈویژن سینکڑوں گاڑیاں فراہم کرتا ہے۔