العربية
English
فارسى
Türkçe
Français
Deutsch
Kiswahili
Español
روضہ مبارک حضرت عباس علیہ السلام کی جانب سے پہلا بین الاقوامی ہفتہ امامت (نبوت و امامت لازم و ملزوم ہیں) کے سلوگن اور (امامت ہی ملک کا نظام ہے) کےعنوان سے منعقد کیا جا رہا ہے جس کی سرگرمیاں 6 سے 13 جولائی 2023 تک جاری رہیں گی، جن میں دنیا بھر سے محققین، ماہرین اور ممتازعلمی و دینی شخصیات شرکت کریں گی۔
روضہ مبارک کے وفد کے رکن اور شعبہ فکرو ثقافت کے شیخ حسین مناہی نے کہا: "روضہ مبارک حضرت عباس (ع) نے عراق کے تمام مقامات مقدسہ، جامعات، دینی مدارس اور ممتاز علمی، مذہبی اور سماجی شخصیات اور پوسٹ گریجویٹ طلباء کو پہلے بین الاقوامی ہفتہ امامت میں مدعو کرنے کے لئے اپنے وفود کو متعدد مقامات پر بھیجا ہے۔ "
انہوں نے مزید کہا، "آج ہم نے مقام مقدسہ کاظمین کے خدام کو اس بابرکت ہفتہ کی سرگرمیوں میں شرکت کرنے، پاک ائمہ علیہم السلام کے تاریخی اور ثقافتی ورثے پر روشنی ڈالنے اور کانفرنس کو اپنی علمی تحقیق سے مالا مال کرنے کی دعوت دی۔ "
واضح رہے کہ روضہ مبارک حضرت عباس علیہ السلام کے وفود نے نجف میں اعلی دینی قیادت و مراجع عظام کے دفاتر، دینی مدارس،عراق کی متعدد جامعات اور ممتاز ملکی و غیر ملکی شخصیات، ماہرین تعلیم اور محققین کو اس ہفتے کی سرگرمیوں میں شرکت کی دعوت دی ہے۔
