پہلے بین الاقوامی ہفتہ امامت کے ضمن میں منعقد کی جانے والی ساتویں اور آخری کانفرنس کی سرگرمیوں کا آغاز

آج بروز جمعرات روضہ مبارک حضرت عباس علیہ السلام میں منعقد ہونے والے پہلے بین الاقوامی ہفتہ امامت کے ضمن میں ساتویں اور آخری کانفرنس کی سرگرمیوں کا آغاز ہوا۔ روضہ مبارک حضرت عباس (ع) کی جانب سے پہلا بین الاقوامی ہفتہ امامت (نبوت اور امامت جدا نہ ہونے والی دو شاخیں ہیں) کے نعرے اور (امامت ہی امت کا نظام ہے)کے عنوان سے منایا جا رہا ہے۔

ساتویں کانفرنس کی سرگرمیوں میں روضہ مبارک کے سیکریٹری جنرل سید مصطفیٰ مرتضیٰ آل ضیاء الدین، مجلس ادارہ کے اراکین اور شعبوں کے سربراہان کے علاوہ ملکی اور غیر ملکی علمی اور حوزوی شخصیات کی بڑی تعداد نے شرکت کر رہی ہے۔

روضہ مبارک کے جنرل سیکرٹریٹ کی طرف سے منعقد ہونے والی ساتویں کانفرنس (الإمام المهدي -عجّل الله تعالى فرجه الشريف- العدالة الإلهية الموعودة) کے نعرے کے تحت العمید سائنٹیفک اینڈ انٹلیکچوئل ایسوسی ایشن کے زیر اہتمام منعقد کی جا رہی ہے۔

کانفرنس کا آغاز قاری محمد رضا الزبیدی نے تلاوت قرآن پاک سے کیا، اس کے بعد شہداء وطن کے لئے سورۃ الفاتحہ پڑھی گئی اور پھر العمید سائنٹیفک اینڈ انٹلیکچوئل ایسوسی ایشن کے نائب صدر ڈاکٹر احمد صبیح الکعبی نے استقبالیہ کلمات پیش کئے۔

ساتویں علمی کانفرنس کی سرگرمیاں روضہ مبارک حضرت عباس علیہ السلام کے امام حسن علیہ السلام ہال میں شروع ہوئیں جو شام تک جاری رہیں گی اور اس کانفرنس کی اہم سرگرمیوں میں دو تحقیقی نشستیں بھی ہیں جن میں سے ایک صبح اور دوسری شام کو منعقد ہوں گی۔

واضح رہے کہ 6 سے 13 جولائی 2023 تک جاری رہنے والے اس ہفتۂ امامت میں سات کانفرنسز منعقد ہوں گی کہ جن میں میں تیس سے زائد موضوعات پر گفتگو کی جائے گی کہ جن میں (قرآن، حدیث، فکر، عقاید، فقہ، اصول، سماج، تعلیم، نفسیات، لسانیات، ادب، تاریخ اور استشراق) سرفہرست ہیں، نیز علامات ظہور کے بارے میں کچھ نشستوں کا انعقاد کیا جائے گا، اور اسی طرح سے سات ثقافتی اور فنی مقابلے بھی اس ہفتۂ امامت کا حصہ ہیں کہ جو یہ ہیں: (مختصر فلم، نوجوانوں کے بصری فنون، شعر وشاعری، خطاطی، ادبی مضمون نویسی، فنی پوسٹس، مختصر ویڈیو کلپس، اور مختصر کہانی)۔