یہ گریجویشن تقریبروضہ مبارک حضرت عباس علیہ السلام کے ذیلی ادارے الکفیل دینی مدارس برائے خواتین کے زیر نگرانی( فاطمہ سلام اللہ علیہا کے نور سے ہم دنیا کو روشن کریں) منعقد کی جا رہی ہے جس میں (15) عراقی گورنیٹس کی سرکاری اور نجی یونیورسٹیوں کی (3000) سے زیادہ طالبات شرکت کررہی ہیں
کمپلیکس کے عملے نے گریجویشن تقریب میں شرکت کرنے والی طالبات کے استقبال کے لیےمنعقد کی جانے والی تقریب کے لئے ہال کو تیار کر لیا ہے۔
تقریب کے بہترین انعقاد کے لئے ہال میں مرکزی سٹیج کو بہت محنت تیار کیا گیا اور سپیکرز اور اسکرینز کی تنصیب مکمل کی جا چکی ہے اور شرکاء کے بیٹھنے کے لئے بھی انتظامات مکمل کئے جا چکے ہیں۔
ابو الفضل العباس سروس کمپلیکس کے عملے نے طالبات کی ٹہرانے اور کھانا فراہم کرنے کے لئے بھی خصوصی ہالز تیار لئے ہیں۔
روضہ مبارک حضرت عباس علیہ السلام کی جانب سے ساتویں سالانہ ’’بنات الكفيل‘‘ مرکزی گریجویشن تقریب جمعہ المبارک یکم مارچ 2024 کو (دنیا فاطمہ کے نور سے منور ہوگی) کے نعرے کے تحت منعقد کی جائے گی۔ یہ مرکزی تقریب کئی سلسلہ وارتقریبات پر مشتمل ہے۔ طالبات کے استقبالیہ کا انعقاد نجف کربلا روڈ پر واقع ابو الفضل العباس (علیہ السلام) کمپلیکس میں کیا جائے گا اور اگلے دن روضہ مبارک ابا الفضل العباس (علیہ السلام) کے باب قبلہ کے سامنے حلف اٹھانے کی تقریب منعقد کی جائے گی جس کے اختتام پر ظالبات مقامات مقدسہ کربلا کی زیارت کی سعادت حاصل کریں گی۔
واضح رہے کہ الکفیل دینی مدارس برائے خواتین کی جانب سے سارا سال بہت سی سرگرمیاں اور تقریبات منعقد کی جاتی ہیں اور ملک بھر کی مختلف یونیورسٹیوں کی طالبات کی بھرپور شرکت کے ساتھ یہ گریجویشن تقریب الکفیل دینی مدارس برائے خواتین کی اہم ترین سالانہ تقریبات میں سے ایک ہے جو گذشتہ کئی سالوں سے مسلسل منعقد کی جا رہی ہے۔