العمید یونیورسٹی: کالج آف فارمیسی کی لیبارٹری طلباء کو علاجات میں جدّت اور بہتری لانے میں معاون ہے

العمید یونیورسٹی کے کالج آف فارمیسی نے اس بات پر زور دیا ہے کہ کالج نے ایک ایسی طبی لیبارٹری فراہم کر رکھی ہے کہ جو طلباء کو علاجات میں جدّت اور بہتری لانے کے لیے معاون ثابت ہوتی ہے۔

کالج میں تدریسی خدمات سرانجام دینے والے ڈاکٹر ولید مریح نے اس حوالے سےکہا ہے کہ کالج میں موجود مائیکرو بایولوجیکل لیبارٹری طلباء کو نئی قسم کی بیکٹیریا کی دریافت کے ذریعے اپنی تخلیقی صلاحیتوں کے اظہار اور علاج میں جدّت لانے کا موقع فراہم کرتی ہے۔ یہ فارمیسی کے طلباء کے لیے ایک اہم تربیتی لیبارٹری ہے، جہاں وہ بیکٹیریا، وائرس، فنگس اور پیراسائیٹس جیسی مختلف بیماریوں کی وجوہات کے حوالے سے جانکاری حاصل کرتے ہیں، اور لیبارٹری کے نتائج کی بنیاد پر علاج میں جدّت لانے کے بارے میں سیکھتے ہیں۔

انہوں نے مزید کہا کہ طلباء یہاں پر بیکٹیریا کی اینٹی بایوٹک کے خلاف حساسیت کی جانچ کرتے ہیں، جو بیکٹیریا کی اینٹی بایوٹک کے خلاف مزاحمت کو کم کرنے اور دواؤں کے غلط استعمال سے بچنے میں مدد دیتی ہے۔

انہوں نے بتایا کہ لیبارٹری جدید ترین آلات سے لیس ہے جو بیکٹیریا کو الگ کرنے اور اس کے پھیلاؤ کو روکنے میں مددگار ثابت ہوتے ہیں، جس سے طلباء اور لیبارٹری میں کام کرنے والوں کو بیماری سے بچانے میں مدد ملتی ہے۔

انہوں نے مزید بتایا کہ لیبارٹری میں بیکٹیریا کی انکیوبیٹرز اور مختلف قسم کے زرعی مواد بھی موجود ہیں، جو طلباء کو مختلف قسم کی بیکٹیریا کی افزائش کی سہولت فراہم کرتے ہیں، اس کے علاوہ رنگین مواد اور بایو کولنگ بھی موجود ہے جو بیکٹیریا کی اینٹی بایوٹک کے خلاف مزاحمت کا مطالعہ کرنے کے لیے استعمال ہوتی ہیں۔

مریح نے کہا کہ یہ لیبارٹری صرف ایک تعلیمی ماحول ہی نہیں فراہم کرتی بلکہ طالب علموں میں جدت کو فروغ دینے اور دنیا کو درپیش صحت کے چیلنجوں کے نئے سائنسی حل تلاش کرنے کا ایک پلیٹ فارم بھی مہیا کرتی ہے۔