روضہ مبارک حضرت عباس(ع) میں ذکر شہادت حضرت فاطمہ زهراء(عليها السلام)

روضہ مبارک حضرت عباس(ع) میں سيدة نساء العالمين حضرت فاطمہ زہراء(ع) کے یوم شہادت (بمطابق دوسری روایت) کے احیاء کے لیے سالانہ مجلس عزاء کا انعقاد کیا جا رہا ہے کہ جس میں زائرین کی بڑی تعداد شرکت کر رہی ہے۔

روضہ مبارک حضرت عباس علیہ السلام کے شعبہ خطابت کے زیر اہتمام منعقد کی جانے والی اس مجلس عزاء کا آغاز آیات قرآنی کی تلاوت سے ہوا، جس کے بعد شیخ احمد الصيمري نے مجلس سے خطاب کیا۔


شیخ احمد السماری نے کہا کہ "شعبہ خطابت جگر گوشہ رسول حضرت فاطمہ زهراء(عليها السلام) کے یوم شہادت کی مناسبت پر مرکزی مجلس عزاء کا انعقاد کرتا ہے، تاکہ اس دردناک دن کا احیاء کیا جا سکے۔"

انہوں نے مزید کہا کہ مجلس میں مختلف موضوعات پر تبادلہ خیال کیا گیا، جن میں حضرت فاطمہ زهراء(عليها السلام) کی حیات مبارکہ، ان کی سیرت طیبہ، ان کے عائلی زندگی، اور نبوت و امامت کے دفاع کے لئے ان کا محکم کردار اور دشمنان اہل بیت علیہم السلام کی جانب سے آپ پر ڈھائے جانے والے مظالم شامل ہیں۔

انہوں نے مزید بتایا کہ اس مجلس میں حضرت فاطمہ زهراء(عليها السلام) کے علم، فصاحت اور حکمت کے علاوہ رسول اللہ صلی اللہ علیہ وسلم کے نزدیک ان کے مقام و مرتبہ پر بھی روشنی ڈالی گئی۔

مجلس کے آخر میں اس عظیم سانحہ کو یاد کرتے ہوئے مرثیہ خوانی اور نوحہ خوانی کی گئی۔