روضہ مبارک حضرت عباس(ع) میں حضرت فاطمہ زہراء(ع) کے یوم شہادت (بمطابق دوسری روایت) کے احیاء کے لیے مجالس عزاء کا انعقاد جاری ہے

روضہ مبارک حضرت عباس(ع) میں سيدة نساء العالمين حضرت فاطمہ زہراء(ع) کے یوم شہادت (بمطابق دوسری روایت) کے احیاء کے لیے مجالس عزاء کا انعقاد جاری ہے۔

روضہ مبارک حضرت عباس(ع) کے شعبہ حسینی خطابت کی جانب سے بھی اس المناک دن کے احیاء کے لئے روضہ مبارک کے تشریفات ہال میں ایک سالانہ مجلس عزاء کا انعقاد کیا گیا کہ جس میں عوضہ مبارک حضرت عباس (ع) کے خدام اور زائرین نے شرکت کی۔

اس مجلس عزاء میں حضرت فاطمہ زہراء(ع) کی سیرت طیبہ، فضائل و مناقب، آپ (ع) کی حیات مبارکہ کے مختلف ادوار، اپنے بابا رسول(ص) کی رحلت کے بعد دشمنان اہل بیت علیہم السلام کی جانب سے آپ پر ڈھائے جانے والے مظالم اور نبوت و امامت کے دفاع کے لئے آپ کی جانب سے پیش کی گئی عظیم قربانیوں کا ذکر کیا کیا۔

مجلس کے آخر میں اس عظیم سانحہ کو یاد کرتے ہوئے مرثیہ خوانی اور نوحہ خوانی کی گئی۔