حضرت فاطمہ زہرا سلام اللہ علیہا کے یوم شہادت کے احیاء کیلئے اہل کربلا کا نجف میں مشترکہ جلوس عزاء

سیدۃ النساء العالمین حضرت فاطمہ زہرا سلام اللہ علیہا کے یوم شہادت (تیسری روایت کے مطابق) کے احیاء کے لیے اہل کربلا نے نجف اشرف میں مشترکہ جلوس عزاء برآمد کیا اور روضہ مبارک امام علی(ع) میں حاضرہو کر پرسہ پیش کیا۔

مقامات مقدسہ کربلا کے شعبہ شعائر حسینی و مواکب کے نائب سربراہ احمد شاکر نے کہا: " ہر سال اہل کربلا کے تمام مواکب سیدۃ النساء العالمین حضرت فاطمہ زہرا سلام اللہ علیہا کے یوم شہادت کی مناسبت پر نجف اشرف میں ایک مشترکہ جلوس عزاء برآمد کرتے ہیں، اور اس سال بھی اہل کربلا کا ایک بہت بڑا جلوس حضرت فاطمہ زہرا سلام اللہ علیہا کی شہادت کا پرسہ پیش کرنے کے لیے روضہ مبارک امام علی علیہ السلام میں پہنچا کہ جہاں انہوں نے مجلس عزاء برپا کی اور امیر المومنین علیہ السلام کو جناب سیدہ سلام اللہ علیہا کی شہادت کا پرسہ پیش کیا۔"

انہوں نے مزید کہا،" یہ عزائی جلوس حضرت فاطمہ زہرا سلام اللہ علیہا کے یوم شہادت کے احیاء کے لیےایک سالانہ روایت ہے کہ جسے اہل کربلا روضہ مبارک امام حسین(ع) و روضہ مبارک حضرت عباس(ع) کے تعاون سے برآمد کرتے ہیں اور مقامات مقدسہ کربلا کی جانب سے اس جلوس کی برآمدگی کے لئے تمام لاجسٹک وسائل فراہم کیے جاتے ہیں۔"