شعبہ خطابت برائے خواتین کی جانب سے امام علی نقی(ع) کے یوم شہادت کے احیاء کے لیے مجلس عزاء کا انعقاد

شعبہ خطابت برائے خواتین نے مرکز صدیقہ طاہرہ (عليها السلام) کے تعاون سے امام علی النقی الہادی (علیہ السلام) کے یوم شہادت کے احیاء کے لئے روضہ مبارک حضرت عباس (علیہ السلام) میں مجلس عزاء کا انعقاد کیا۔

مجلس کا آغاز تلاوت قرآن کریم سے ہوا، اس کے بعد امام علی نقی (علیہ السلام) کی زیارت پڑھی گئی، اس کے بعد "رابطة خطيبات المنبر الحسيني" کی رکن اور شعبہ خطابت برائے خواتین سے منسلک خطیبہ نے امام مہدی (عجل اللہ فرجہ الشریف) اور عقیدۂ مہدویت پر ایک لیکچر دیا اور اس سے متعلق کئی پہلوؤں پر روشنی ڈالی۔

لیکچر کے دوران خطیبہ نے عقیدہ مہدویت کو مستحکم کرنے میں نبی کریم (صلی اللہ علیہ وآلہ وسلم) اور اہل بیت (علیهم السلام) کی کوششوں کے بارے میں بھی گفتگو کی۔

مجلس کا اختتام ان المناک دن کی یاد میں مرثیہ خوانی اور نوحہ خوانی پر ہوا۔

یہ مجلس (الموعظة الحسنة) منصوبے کا حصہ ہے، جس کا مقصد کربلا مقدسہ کے مختلف علاقوں میں اہل بیت (علیہم السلام) کے ایام اور مناسبات کومنانا ہے، تاکہ ان عظیم مناسبات کے ذریعے ایمانی اقدار کو مضبوط کیا جا سکے اور روحانی تعلق کو بڑھایا جا سکے۔