قرآن علمی کمپلیکس کی جانب سے ہندیہ میں صفین مڈل اسکول کے طلباء کی شاندار تعلیمی کارکردگی کو سراہنے کے لیے اعزازی تقریب کا انعقاد

روضہ مبارک حضرت عباس علیہ السلام کے قرآن علمی کمپلیکس نے ہندیہ میں اپنے ثانوی جماعتوں (ہائی اسکول) کے ممتاز طلباء کو اعزاز سے نوازا ہے۔

اس تقریب کا انعقاد قرآن علمی کمپلیکس سے منسلک قرآن انسٹی ٹیوٹ/ہندیہ برانچ کی جانب سے کیا گیا، تقریب کے دوران صفین مڈل اسکول کے متعدد ہونہار طلباء کو ان کی محنت اور شاندار تعلیمی کارکردگی کے اعتراف میں اعزاز سے نوازا گیا، جب کہ اس موقع پر ممتاز تعلیمی شخصیات اور طلباء کے والدین بھی موجود تھے۔

تقریب میں برانچ منیجر جناب سید حامد المرعبی نے خطاب کیا، جس میں انہوں نے طلباء کی کامیابی کو والدین اور اسکول کے درمیان مضبوط تعاون اور متحرک رابطے کا نتیجہ قرار دیا۔ انہوں نے کہا کہ اسی باہمی کوشش اور ہم آہنگی سے یہ امتیاز حاصل ہوا۔ اپنی گفتگو کے دوران انہوں نے حاضرین کو انسٹیٹوٹ کے قرآنی پروگراموں سے جڑے رہنے اور ان میں شمولیت کی ترغیب بھی دی، تاکہ قرآن و اہل بیتؑ کی خدمت میں اپنا کردار ادا کیا جا سکے۔