روضہ مبارک حضرت عباس(ع) میں امام زین العابدین(ع) کے یوم شہادت کی یاد میں مجلسِ عزاء کا انعقاد

روضہ مبارک حضرت عباس(ع) کے شعبۂ خطابت برائے حسینی تبلیغ کے زیر اہتمام، امام زین العابدین(ع) کے یوم شہادت کے احیاء کے لیے مجلسِ عزاء کا انعقاد کیا گیا۔

صحنِ روضۂ عباس(ع) میں منعقد ہونے والی اس مجلس سے شیخ فیصل کاظمی نے خطاب کیا اور اپنی گفتگو میں امام سجاد(ع) کی سیرتِ طیبہ کے مختلف پہلوؤں پر روشنی ڈالی۔

شیخ کاظمی نے واقعۂ کربلا کے بعد مظلومیتِ اہل بیت(ع)، اور آلِ محمد(ع) کی حقانیت و افضلیت کو دنیا کے سامنے واضح کرنے کے حوالے سے امام زین العابدین(ع) کے تاریخی کردار کو اجاگر کیا، اور ان کی زندگی میں جلوہ گر اعلیٰ اخلاقی اور عبادتی اقدار کو بیان کیا، جو امت کی اصلاح میں سنگِ میل ثابت ہوئیں۔

واضح رہے کہ روضہ مبارک حضرت عباس(ع) سارا سال اہل بیت(ع) سے منسلک مناسبات کے احیاء اور چہادرہ معصومین(ع) کے ایام شہادت میں عزاداری کے قیام کو اپنی دینی و روحانی ذمہ داری سمجھتا ہے، اور امام سجاد(ع) کے یوم شہادت کے احیاء کے لیے مجالس کا انعقاد بھی اسی کا ایک حصہ ہے۔