روضہ مبارک حضرت عباس(ع) میں اربعین امام حسین علیہ السلام کی مناسبت سےمجلس عزاء کا سلسلہ جاری ہے

روضہ مبارک حضرت عباس علیہ السلام کے جنرل سیکرٹریٹ کی جانب سے اربعین امام حسین علیہ السلام کی مناسبت سے استقبالیہ ہال مجلس عزا کا انعقاد کیا گیا۔

اس مجلس میں روضہ مبارک کے متولی شرعی سید احمد صافی، متعدد عہدیداران، خدام اور زائرین کے ایک گروپ نے شرکت کی۔

مجلس کا آغاز تلاوتِ کلامِ مجید سے کیا گیا، جس کے بعد شیخ عبد اللہ الدجیلي نے مجلس سےخطاب کیا۔ انہوں نے اپنے بیان میں امام حسین علیہ السلام کی سیرتِ طیبہ کے مختلف پہلوؤں اور ان کے عظیم موقف پر روشنی ڈالی۔


شیخ الدجیلی نے اپنی گفتگو میں ان اعلیٰ انسانی و اخلاقی اقدار پر روشنی ڈالی جنہیں امام حسین علیہ السلام نے اپنی عظیم اور بےمثال قربانی کے ذریعے مجسم کیا، جن میں صبر، ایثار، فداء، اور ظلم و باطل کے خلاف قیام جیسے اوصاف نمایاں طور پر شامل ہیں۔

روضہ مبارک حضرت عباس علیہ السلام اربعین حسینی اور دیگر ایامِ عزاء کے دوران مجالسِ عزاء کے انعقاد کو نہایت اہمیت دیتا ہے، تاکہ امام حسین علیہ السلام کی مظلومیت کو اجاگر کیا جا سکے، ان کی انقلابی تحریک کو زندہ رکھا جائے اور اس کے عظیم و اعلیٰ مقاصد کو عام کیا جائے۔