شعبۂ خدماتی امور کی طرف سے روضہ مبارک حضرت عباس(ع) کے اطراف میں جامع صفائی مہم مکمل

روضہ مبارک حضرت عباس(ع) کے شعبہ برائے خدماتی امور کی ٹیم نے مراسمِ اربعین کے اختتام کے بعد اپنے طے شدہ لائحہ عمل کے تحت روضہ مبارک کے گرد و نواح اور اطراف میں موجود علاقوں کی جامع صفائی کا کام مکمل کر لیا ہے۔

اس حوالے سے شعبۂ خدمات کے نائب سربراہ، انجینئر عباس علی نے بتایا کہ اس صفائی مہم کے دوران ہر طرح کا کوڑا کرکٹ ہٹایا گیا، اور شارع العباسؑ، شارع العلقمی، شارع الحوراء اور شارع الشہداء سمیت تمام مرکزی شاہراہوں کو دھویا گیا۔

انہوں نے مزید کہا کہ اس مہم میں شعبے کی تمام شاخوں نے حصہ لیا۔ اس اقدام کا مقصد روضہ مبارک کے اطراف اور اس کی جانب آنے والے راستوں کو صاف ستھرا رکھنا ہے، تاکہ اس مقدس مقام اور اس کے گردو نواح کے مظہر کو اس شایانِ شان بنایا جا سکے۔