دینی وعقائدی ثقافت کو فروغ دینے کے لیے شعبۂ دینی امور کی طرف سے معلوماتی کورس کا اہتمام

روضہ مبارک حضرت عباس(ع) کے شعبہ برائے دینی امور نے روضہ مبارک کے خدام کے لیے دینی و عقائدی معلومات پر مشتمل ایک کورس کا اہتمام کیا ہے کہ جس میں دسیوں خدامِ روضہ شرکت کر رہے ہیں۔

اس دینی و تربیتی نشست کے مقرر، شیخ مہند اسدی نے بتایا کہ اس کورس میں 44 سے زائد خدامِ روضہ شریک ہیں، اس کورس کے انعقاد کا مقصد اُن کی دینی، فقہی اور اعتقادی معلومات میں اضافہ اور مذہبی و عقایدی ثقافت کو فروغ دینا ہے۔

انہوں نے مزید بتایا کہ کورس میں متعدد اہم موضوعات زیرِ بحث لائے جا رہے ہیں، جن میں عقائد، فقہ، شرعی احکام اور نماز سے متعلقہ فقہی مسائل شامل ہیں، کہ جن کا براہِ راست تعلق ان کی روزمرہ زندگی سے ہے۔