شعبۂ دینی رہنمائی کی جانب سے کربلا میں طالبات کے لیے منعقدہ سمر تربیتی کورسز اختتام پذیر

روضہ مبارک حضرت عباس(ع) کے دفتر متولی شرعی برائے امورِ نسواں سے وابستہ شعبہ دینی رہنمائی برائے خواتین کی طرف سے کربلا میں منعقدہ "لآلئ الساقی" سمر تربیتی کورسز اختتام پذیر ہو گئے ہیں جن کی اختتامی تقریب سدر زرعی فارم کے مرکزی ہال میں منعقد ہوئی۔


مذکورہ بالا شعبہ کی سربراہ عذراء شامی نے بتایا کہ نو عمر بچیوں کے لیے ان ترتیبتی کورسز کو کربلا کے مختلف علاقوں میں قائم 20 تبلیغی مراکز میں بیک وقت شروع کیا گیا۔ ان کورسز میں فقہ، عقائد، احکامِ تلاوت، سیرتِ اہل بیت(ع)، مصوری، دستکاری اور اخلاقی دروس شامل تھے، جس کا مقصد شرکاء میں مذہبی اور سماجی بیداری پیدا کرنا تھا۔


انہوں نے مزید کہا کہ یہ منصوبہ گرمیوں کی چھٹیوں کو مفید انداز میں گزارنے اور طالبات کے دلوں کو عقائدِ اہل بیتؑ سے منور کرنے کی ایک کامیاب کاوش تھی۔ کورسز کی اختتامی تقریب میں طالبات نے نعتیں اور فنی سرگرمیاں پیش کیے، جبکہ مبلغات اور نگران عملے کو اعزازی اسناد اور تحائف سے نوازا گیا۔