العربية
English
فارسى
Türkçe
Français
Deutsch
Kiswahili
Español
Azərbaycan
دارِ علوم نہج البلاغہ کے سربراہ ڈاکٹر لواء العطیہ نے کہا کہ یہ محفل ان علمی کاوشوں کا تسلسل ہے جو ادارہ نہج البلاغہ کی فکری گہرائی کو اجاگر کرنے اور اسے فرد و معاشرے کی عملی زندگی سے قریب تر لانے کے لیے انجام دے رہا ہے۔ ہمارا مقصد اس عظیم ورثے کو ایک ایسے ضابطہ حیات کے طور پر متعارف کروانا ہے جو عصرِ حاضر کے فکری چیلنجز اور تغیرات کے مقابل معاشرے کے استحکام اور بلندی کا ضامن بن سکے۔
اس لیکچر کے دوران معروف اسکالر شیخ محمد الراشدی نے امیر المومنین حضرت علی ابن ابی طالب (علیہ السلام) کے مکتوبات میں سے 28 ویں مکتوب (خط) پر بحث کی، کو خطاب کیا گیا، کہ جسے سید شريفُ الرضيّ نے اپنے شاندار الفاظ اور قوتِ بیان کی وجہ سے نہج البلاغہ کے بہترین مکتوبات میں شمار کیا ہے۔
الراشدی نے اس بات پر زور دیا کہ یہ متن امام علی (علیہ السلام) کی جانب سے معاوية کے خط کا ایک انتہائی مدلل اور دندان شکن جواب ہے، جس میں امام (ع) نے ان نفسیاتی محرکات کو بے نقاب کیا ہے جن کی بنا پر معاوية نے ان صفات کو اپنی جانب منسوب کرنے کی کوشش کی جو اس میں موجود نہ تھیں۔
الراشدی نے مزید کہا کہ اس لیکچر کا مقصد کا ایک اہم مقصد علوی اقدار کو موجودہ حالات پر لاگو کرنا تھا، خاص طور پر اس اصول کی ترویج کے لئے کہ انسان کو اپنی حدود سے تجاوز نہیں کرنا چاہیے۔
دورانِ گفتگو حضرت حمزة بن عبد المطلب اور حضرت جعفر طیار (علیہم السلام) جیسے عظیم شخصیات اور مجاہدین کی عظمت اور مرتبے پر روشنی ڈالتے ہوئے ان تکریم و تعظیم ک کی اہمیت کو اجاگر کیا۔
اس طرح کی محافل کا انعقاد روضہ مبارک حضرت عباس (علیہ السلام) کی ان کاوشوں کا حصہ ہے جن کا مقصد معاشرے کے تمام افراد کا تعلق حقیقی علمی منابع سے استوار کرنا ہے۔ روضہ مبارک ایسے حقیقت پسندانہ فکری مطالعے پیش کرنے کا خواہاں ہے جو فرد اور معاشرے کی فکری بالیدگی اور علمی ارتقاء میں ممد و معاون ثابت ہوں۔
