سروس افیئرز ڈیپارٹمنٹ کی جانب سے روضہ مبارک حضرت عباس( علیہ السلام ) کے اطراف میں صفائی مہم

روضہ مبارک حضرت عباس( علیہ السلام ) کے سروس افیئرز ڈیپارٹمنٹ کے عملے نے حرمِ مطہر کے بیرونی حصوں اور ملحقہ شاہراہوں کی صفائی کے لیے ایک خصوصی مہم چلائی۔

اس مہم میں کچرے اور گردوغبار کو ہٹانا، خصوصی مشینری کا استعمال کرتے ہوئے فٹ پاتھوں اور گلیوں کو دھونا، اور علاقے میں موجود ویسٹ کنٹینرز کی مرمت و صفائی شامل ہے۔

یہ اقدامات سروس افیئرز ڈیپارٹمنٹ کے اس جامع منصوبے کا حصہ ہیں جس کا مقصد کربلا معلّٰی کے تقدس کے شایانِ شان صفائی ستھرائی کے معیار کو برقرار رکھنا اور زائرینِ کرام کو خوشگوار ماحول اور بہترین خدمات فراہم کرنا ہے۔