الکفیل دینی مدارس کی جانب سے علمی مقابلے "بصائر العلم" کے انعقاد کے لیے حتمی تیاریوں پر تبادلہ خیال

روضہ مبارک حضرت عباس (علیہ السلام) کے دفتر متولی شرعی برائے خواتین سے وابستہ الکفیل دینی مدارس نے علمی مقابلے "بصائر العلم" کے انعقاد کے لیے حتمی تیاریوں پر تبادلہ خیال کیا۔

اس مقابلے کا پہلا ایڈیشن (العلم نورٌ إذا اقترن بالبصيرة - علم نور ہے جب وہ بصیرت کے ساتھ جڑ جائے) کے نعرے کے تحت منعقد کیا جائے گا۔

اجلاس میں مقابلے کے انعقاد کے لیے تنظیمی اور تکنیکی پہلوؤں اور شریک ٹیموں کے درمیان مقابلوں کے انتظام کے طریقہ کار پر تبادلہ خیال کیا گیا۔تقریب کے کامیاب اور منظم انعقاد کو یقینی بنانے کے لیے متعلقہ کمیٹیوں کے درمیان فرائض تقسیم کیے گئے۔

مقابلے میں نو صوبوں کے الکفیل دینی مدارس کی طالبات کی 16 ٹیمیں حصہ لیں گی۔ یہ مقابلے علمی اور حوزوی نوعیت کے ہوں گے۔ ان مقابلوں کا مقصد طالبات کی علمی و معرفتی سطح کو بلند کرنا، اور ان کے درمیان ٹیم ورک اور علمی مشاورت کے جذبے کو فروغ دینا ہے۔

یہ مقابلہ الکفیل دینی مدارس کے زیر اہتمام ان تعلیمی اور علمی پروگراموں کا حصہ ہے جو یہ شعبہ باقاعدگی سے منعقد کرتا ہے، جس کا مقصد مثبت اور تعمیری مقابلے کی ثقافت کو فروغ دینا، اور نمایاں علمی صلاحیتوں کو دریافت کرنا اور ان کی حمایت کرنا ہے۔