ایڈمنسٹریٹو ڈویلپمنٹ اکیڈمی میں فائنل امتحانات کا دوسرا روز

روضہ مبارک حضرت عباس (علیہ السلام) کے شعبہ پائیدار ترقی سے منسلک ایڈمنسٹریٹو ڈویلپمنٹ اکیڈمی میں طلباء کے فائنل امتحانات کا سلسلہ مسلسل دوسرے روز بھی جاری رہا۔

اکیڈمی میں سٹوڈنٹس افیئرز ڈویژن کے سربراہ جناب احمد زروک نے بتایا کہ اکیڈمی میں فائنل امتحانات کا آج دوسرا دن ہے، جن کا انعقاد امتحانی کمیٹیوں پر مشتمل ماہر ٹیموں کی زیرِ نگرانی کیا جا رہا ہے تاکہ امتحانی عمل کی شفافیت، درستگی اور روانی کو یقینی بنایا جا سکے۔

انہوں نے مزید کہا کہ امتحانی سوالات اعلیٰ علمی معیارات اور مقررہ نصاب کے مطابق تیار کیے گئے ہیں جو طلباء کے تعلیمی معیار کو جانچنے میں معاون ثابت ہوں گے۔انہوں نے اس بات کی جانب بھی اشارہ کیا کہ یہ امتحانات ان مہارتوں اور معلومات کی پیمائش کا ایک اہم مرحلہ ہیں جو شرکاء نے دورانِ تعلیم حاصل کیں، اوران کی پیشہ ورانہ مہارتوں کو مزید مستحکم کرتے ہیں۔

واضح رہے کہ اکیڈمی جدید ترین سائنسی اور انتظامی نصاب کے مطابق تربیتی اور ترقیاتی پروگراموں کے ذریعے روضہ مبارک حضرت عباس (علیہ السلام) کے عملے کی پیشہ ورانہ اور انتظامی صلاحیتوں کو نکھارنے کے لیے کوشاں ہے۔