روضہ مبارک حضرت عباس(ع) نے بین الحرمین میں امام محمد تقی(ع) کی شہادت کی یاد میں عزائی بینرز آویزاں کر دیئے

یہ بین الحرمین، جہاں ایک طرف علمدارِ کربلا حضرت عباس (ع) کی وفا کا پرچم لہراتا ہے اور دوسری طرف سید الشہداء امام حسین (ع) کی لافانی قربانی کی صدا گونجتی ہے، آج امامِ مظلوم محمد تقی(ع) کے غم میں ڈوبا ہوا ہے۔

روضہ مبارک حضرت عباس(ع) کے شعبۂ بین الحرمین نے امام محمد تقی(ع) کی شہادت کی مناسبت سےعزائی بینرز آویزاں کر دی‏ئے ہیں کہ جن پر امامِ عالی مقام کی مظلومیت اور مناقب رقم ہیں۔ وہ مظلومیت جو وقت کے طاغوتوں نے زہر کی چپ چپاتی آگ میں چھپا دی تھی، آج پوری دنیا کی ہوا میں پکار بن کر گونج رہی ہے۔

رحمتیں ہوں اُس ہستی پر جس نے کم عمری میں علم و حلم کے دریا بہائے، اور صبر کی وہ داستان رقم کی جو رہتی دنیا تک اہلِ ایمان کو حق کے ساتھ جینے کا سلیقہ سکھاتی رہے گی۔