شعبہ حفظِ نظام کے زیرِ اہتمام نئے ملازمین کے لیے منعقدہ 59واں تربیتی کورس اختتام پذیر

روضہ مبارک حضرت عباس (علیہ السلام) کے شعبہ حفظِ نظام کے فزیکل ٹریننگ ڈویژن کے زیرِ اہتمام نئے ملازمین کے لیے منعقدہ 59واں تربیتی کورس اختتام پذیر ہو گیا ہے۔ یہ کورس حرم مطہر کے اس اسٹریٹجک وژن کا تسلسل ہے جس کا مقصد نئے عملے کی پیشہ ورانہ صلاحیتوں کو نکھارنا ہے۔

شعبہ حفظِ نظام کےٹریننگ کوآرڈینیٹر جناب محمد سعد نے بتایا کہ یہ کورس شعبہ حفظِ نظام کے فزیکل ٹریننگ ڈویژن کی جانب سے منعقد کیا گیا تھا، جو مسلسل دو ہفتوں تک جاری رہا۔ اس کورس میں فکری، مذہبی، انتظامی، مالیاتی اور پیشہ ورانہ اخلاقیات سے متعلق متعدد لیکچرز شامل تھے۔ اس کورس کا بنیادی مقصد ملازمین میں پیشہ ورانہ شعور بیدار کرنا اور فرائض کی ادائیگی کے دوران اعلیٰ مذہبی و اخلاقی اقدار کو فروغ دینا ہے۔

انہوں نے مزید کہا کہ ڈویژن نے اپنے ٹریننگ مینجمنٹ یونٹ کے ذریعے کورس میں شریک عملے کو ٹرانسپورٹ اور تمام ضروری سہولیات فراہم کیں، تاکہ ملازمین ایک پرسکون اور مثالی تعلیمی ماحول میں اپنی تربیت پر توجہ مرکوز کر سکیں۔

یہ کورسز روضہ مبارک حضرت عباس (علیہ السلام) کی اس جامع پالیسی کا حصہ ہیں جس کا مقصد نئے ملازمین کی مہارتوں اور صلاحیتوں کو نکھارنا ہے تاکہ وہ اپنے تفویض کردہ فرائضِ منصبی کو بہترین طریقے سے نبھانے کے لیے پیشہ ورانہ طور پر تیار ہو سکیں۔