العربية
English
فارسى
Türkçe
Français
Deutsch
Kiswahili
Español
Azərbaycan
یہ مجالسِ عزا روضہ مبارک کے صحنِ مطہر میں صبح اور شام منعقد کی جا رہی ہیں، جن میں زائرین کی بڑی تعداد شرکت کر رہی ہے۔
اس مجلسِ عزا کے شام کے سیشن سے معروف عالمِ دین آیت اللہ سید مقداد المبرقع نے خصوصی خطاب کیا۔ انہوں نے اپنے بصیرت افروز بیان میں باقر العلوم حضرت امام محمد باقر (علیہ السلام) کی سیرتِ طیبہ اور آپ کے لازوال و جرات مندانہ مواقف پر تفصیلی روشنی ڈالی۔ اس کے ساتھ ہی، انہوں نے سید الشہداء حضرت امام حسین (علیہ السلام) کے آفاقی قیام اور آپ کی الٰہی تحریک کے مقاصد و اہداف کا تاریخی اور فکری تناظر میں احاطہ کیا۔
مجلس کے اختتام پر نامور نوحہ خوان جناب مسلم الکعبی نے بارگاہِ امامت میں عقیدت و مودت کا نذرانہ پیش کرتے ہوئے نوحہ خوانی کی اور مصائب پڑھے۔
واضح رہے کہ ان مجالس کا انعقاد شعبہ خطابت کے ان منظم عزائی اور تبلیغی پروگراموں کا تسلسل ہے جو ایامِ معصومین (علیہم السلام) کے احیاء اور علومِ آلِ محمد (ص) کی ترویج و اشاعت کے ساتھ ساتھ ان کے آفاقی معارف کو عام کرنے کے لیے خصوصی طور پر ترتیب دیے جاتے ہیں۔
