الکفیل نرسری گروپ نے مختلف اقسام اور سائز کے 23 ٹن سے زائد پودے تیار کئے ہیں۔

روضہ مبارک حضرت عباس (علیہ السلام) سے وابستہ الکفیل نرسری گروپ نے زرعی پیداوار کے فروغ اور نباتاتی تنوع کو وسعت دینے کے لئے مختلف اقسام اور سائز کے 23 ٹن سے زائد پودے تیار کئے ہیں۔

گروپ کے ڈپٹی مینیجر جناب علی حمزہ سالم نے بتایا کہ الکفیل نرسریز نے 23 ٹن سے زائد پودوں کا اضافہ کیا ہے، جن میں 30 مختلف اقسام کے 8 ہزار پودے شامل ہیں؛ ان میں آؤٹ ڈور، ان ڈور اور سایہ دار پودے شامل ہیں۔

انہوں نے مزید کہا کہ شامل کیے گئے پودے اپنی بہترین اقسام، متنوع سائز اور رنگوں کے لحاظ سے منفرد ہیں، اور یہ ان پودوں میں سے ہیں جن کی مانگ سب سے زیادہ ہے۔ انہوں نے یہ بھی واضح کیا کہ ان کی قیمتیں عام شہریوں اور نجی نرسریوں کے مالکان کے لیے انتہائی مناسب ہیں۔

انہوں نے بتایا کہ یہ نرسریاں روضہ مبارک کے ماتحت شعبہ جات، مختلف سائٹس اور پبلک و پرائیویٹ سیکٹرز کو بھی خدمات فراہم کرتی ہیں۔ ان کا کہنا تھا کہ زرعی منصوبوں کو فروغ دینے کے مقصد کے تحت، نرسری گروپ نہ صرف اپنی نرسریوں میں ہر قسم کے پودوں کا اضافہ کر رہا ہے، بلکہ گملے اور دیگر زرعی سامان بھی فراہم کر رہا ہے۔

شعبے کی خدمات کے بارے میں جاننے کے لیے یہاں کلک کریں۔

https://projects.alkafeel.net/project/148