امام محمد تقی(ع) کی المناک شھادت پہ پرسہ پیش کرنے کے لیے امام حسین(ع) اور حضرت عباس(ع) کے خدام کا جلوس عزاء......

بروز جمعہ 29 ذی القعدہ 1437 ھ بمطابق 2 ستمبر 2016 ء کو روضہ مبارک امام حسین علیہ السلام اور حضرت عباس علیہ السلام کے خدام نےحضرت امام محمد تقی علیہ السلام کی المناک شہادت کے حوالے سے اھل بیت اطہار علیھم السلام کو پُرسہ پیش کرنے اور ماتم و عزاداری کے احیاء کے لئےایک ماتمی جلوس نکالا کہ جو روضہ مبارک حضرت عباس علیہ السلام سے برآمد ہوا اور مابین الحرمین سے ہوتا ہوا حضرت امام حسین علیہ السلام کے روضہ مبارک میں پہنچا کہ جہاں دونوں مقدس حرموں کے خدام نے مل کر اپنے مظلوم امام کے مصائب پر ماتم کیا اس ماتمی جلوس کا اختتام روضہ مبارک امام حسین(ع) کے صحن میں ایک مجلس عزاء پہ ہوا۔

اس المناک موقع پر روضہ مبارک حضرت عباس علیہ السلام میں اظہارِ حزن کے طور پر ہر طرف سیاہ چادریں اور سیاہ علم نصب کئے گئے اور بہت سے بینروں پر امام محمد تقیعلیہ السلام اور باقی آئمہ(علیھم السلام) کے فرامین کو لکھ کر جگہ جگہ لٹکایا گیا اور متعدد مجالس کا انعقاد کیا گیا۔

یہ بات واضح رہے کہ امام محمد تقی علیہ السلام رسول خدا(ص) کے نانویں جانشین تھے انہوں نے اپنے والدِ گرامی سے میراث امامت کو حاصل کیا۔ وقت کے حاکم معتصم بن ھارون نے حضرت امام محمد تقی علیہ السلام کو زہر کے ذریعے ماہ ذی القعدہ کے آخری دن (220هـ) کو شہید کیا۔