جشن ولادت حضرت امام حسن علیہ السلام کے پرمسرت موقع پر اپنی نیابت میں زیارت پڑھوانے کے لئے اپنا نام درج کرائیں۔

الکفیل گلوبل نیٹ ورک دنیا بھر کے ان تمام مومنین اور محبان اہل بیت کو دعوت دیتا ہے کہ جو کہ جشن ولادت حضرت امام حسن علیہ السلام کے پرمسرت موقع پر آپ علیہ السلام کی قبراطہر جنت البقیع میں اپنی نیابت میں زیارت پڑھوانے کے آرزومند ہیں وہ روضہ مبارک کی رسمی ویب سائٹ الکفیل گلوبل نیٹ ورک کے شعبہ نیابت میں زیارت میں اپنا نام درج کریں۔

واضح رہے کہ حضرت عباس علیہ السلام کے روضہ مبارک کے فکر و ثقافت کے سیکشن کے تابع کام کرنے والے انٹرنیٹ کے شعبہ نے روضہ مبارک حضرت عباس علیہ السلام کی عربی، انگلش، فارسی، ترکی اور اردو زبان میں موجود ویب سائٹ میں ''نیابت میں زیارت '' کا صفحہ خاص طور پر ان مومنین اور محبانِ اہل بیت کے لیے بنایا گیا ہے کہ جو کسی بھی وجہ سے کربلا آ کر امام حسین علیہ السلام اور حضرت عباس علیہ السلام کے روضہ مبارک کی زیارت نہیں کر سکتے اس صفحہ میں اپنا نام اور مطلوبہ معلومات درج کرنے والے ہر شخص کی طرف سے روضہ مبارک حضرت عباس علیہ السلام کے خدام روضہ مبارک میں نیابت میں زیارت اور نماز پڑھتے ہیں اور پورا سال ''نیابت میں زیارت '' کے صفحہ کے ذریعے ہزاروں مومنین دنیا کے ہر کونے میں بیٹھ کر اپنی طرف سے امام حسین علیہ السلام، حضرت عباس علیہ السلام اور دوسرے معصومین علیہم السلام کی زیارت پڑھواتے ہیں۔