جامع صفائی کے بعد روضہ مبارک حضرت عباس(ع) میں نئے قالین بچھا دئیے گئے ہیں

روضہ مبارک حضرت عباس علیہ السلام کے کئیر سیکشن نے زیارت اربعین کے اعمال کے اختتام اور زائرین کے رش کے ختم ہونے کے بعد جامع دھلائی اور صفائی کا عمل شروع کیا جس کے مکمل کرنے کے بعد روضہ مبارک حضرت عباس علیہ السلام کے صحن اطہر اور ضریح مبارک سے ملحقہ حصوں میں بچھے پرانے قالینوں کی جگہ نئے قالین بچھا دئیے ہیں اور اس وقت پورے حرم میں اعلی ترین کوالٹی کے نئے دیدہ زیب ڈیزائن پر مشتمل قالین بچھے ہوئے نظر آ رہے ہیں۔

واضح رہے مذکورہ سیکشن ہر سال زیارت اربعین کے بعد حرم کے قالینوں کو تبدیل کر دیتا ہے اور اس کے لیے دنیا کے بہترین قالینوں کا انتخاب کیا جاتا ہے۔