روضہ مبارک حضرت عباس علیہ السلام میں کیشوانیہ ڈویژن کے عملے کی طرف سے فراہم کردہ خدمات۔

روضہ مبارک حضرت عباس علیہ السلام کے تمام شعبہ جات اور ان سے متعلقہ اسٹاف اپنے اپنےکاموں کے ذریعے زائرین کوخدمات اور سہولیات فراہم کررہے ہیں۔ کشوانیہ ڈویژن روضہ مبارک حضرت عباس علیہ السلام کے ان ڈویژنز میں سے ہے جو براہ راست زائرین کی خدمت میں دن رات مصروف عمل ہے اس لئے ڈویژن میں خدمات پیش کرنے والا عملہ زائرین سے پیش آتے ہوئے خاص طور پر صبر و تحمل اور خوش اخلاقی کا مظاہرہ کرتا ہے۔۔
ہیہ ڈویژن 142 افراد پر مشتمل ہے اور ڈویژن میں موجود تمام عملے کومختلف نوعیت کے دینی، سماجی اور ثقافتی کورسز کروائے گئے ہیں تاکہ وہ زائرین کے ساتھ بہترین انداز میں ڈیل کرسکیں۔ غیر ملکی زائرین کی خدمت اور سہولت کے لئے عملے کو کو خاص طور پر مختلف اہم زبانوں پر مشتمل کورسز بھی کروائے گئے ہیں۔

روضہ مبارک کے ہرداخلی دروازے کے ساتھ متعدد کیشوانیہ یونٹس ہیں، اور ان میں سے کچھ صرف خواتین کے لئے وقف دروازے ہیں۔ ہر کشینوانیہ یونٹ کو ایک خاص حرف اور نمبردیا گیا ہے ، روضہ مبارک کے تمام دروازوں پر کل 43 کیشوانیہ یونٹس ہیں۔

اس ڈویژن میں بہت سے افراد رضاکارانہ طور پر بھی اپنی خدمات پیش کرتے ہیں اور زیارت اربعین، عاشورہ، شعبان اور جمعۃ المبارک میں بہت سے نوجوان خصوصی طور پر ڈویژن میں اپنی خدمات پیش کرنے کے تیار ہوتے ہیں۔

کشوانیہ ڈویژن کا عملہ نہ صرف دن رات اپنی خدمات پیش کرتا ہے بلکہ بزرگ اور معذور افراد کو وہیل چیئر مہیا کرتے ہوئے مراسم زیارت کی ادائیگی میں مدد بھی فراہم کرتا ہے۔