العربية
English
فارسى
Türkçe
Français
Deutsch
Kiswahili
Español
انھوں نے بتایا کہ گزشتہ توسیعی منصوبوں کو پايۂ تکمیل کے قریب پہنچانے کے بعد پورے اندرون شہر کو مقدس روضوں میں شامل کرنے اور اسے مفدس روضوں سے ہم آہنگ نقشہ کے تحت تعمیر کرنے کا تفصیلی منصوبہ 2014 میں تیار کیا گیا اور اس کے نقشہ کی تیاری کا کام بھی ساتھ ہی شروع کر دیا گیا کہ جو اُسی سال مکمل کر لیا گیا۔
اس منصوبے کی ذمہ داری وزارت بلدیات، وزارت منصوبہ سازی، کربلا گورنریٹ اور شہری تعمیرات کے محکمے نے لی تھی اور ان اداروں کی طرف سے نقشے کی منظوری کے بعد روضہ مبارک حضرت عباس(ع) نے اس منصوبہ کے لیے مطلوبہ زمین حاصل کرنے کے لیے مالکان سے ان کے گھروں اور زمینوں کو خریدنا شروع کر دیا اور اس وقت منصوبہ کے لیے ایک بہت بڑا ایریا روضہ مبارک خرید چکا ہے۔
صائغ نے مزید کہا کہ ہمارے انجینئرنگ عملے نے پہلے مرحلے کا آغاز کر دیا ہے، جس کے تحت روضہ مبارک حضرت عباس(ع) کی شمالی جانب صحن حضرت ام البنین(س) تعمیر کیا جائے گا۔
انہوں نے بتایا کہ 20 ہزار مربع میٹر رقبہ پر مشتمل یہ صحن خواتین کے لیے مختص ہو گا اور اس میں سرداب، سبزہ زار اور بہت سے دیگر یونٹس ہوں گے۔
اس منصوبہ کو دیوان وقف شیعی اور وزارت منصوبہ سازی کی منظوری سے عراقی کمپنی ارض القدس کے حوالے کیا گیا ہے اور وزارت خزانہ اور وزارت منصوبہ سازی کی طرف سے اسے فنڈنگ کیا جا رہا ہے۔
