Nukta muhimu alizoongea Marjaa Dini mkuu katika khutuba ya swala ya Ijumaa

Marjaa Dini mkuu katika khutuba ya pili ya swala ya Ijumaa iliyo swaliwa ndani ya haram ya Imamu Hussein (a.s) leo (19 Jamadal-Aakhar 1441h) sawa na (14 Februari 2020m) chini ya uimamu wa Mheshimiwa Shekh Abdulmahdi Karbalai amezungumza vipengele vingi vya ki-akhlaq na kimalezi vinavyo gusa mazingira halisi tunayo ishi, miongoni mwa vipengele hivyo ni:

• - Misingi ya tabia njema ni jambo la lazima katika sekta zote za maisha ya mtu mmoja mmoja na jamii zote za wanadamu bila kujali kua ni wanadini au sio wanadini.
• - Tabia njema ni msingi muhimu wa mahusiano mema ya jamii na hujenga jamii yenye nguvu.
• - Tabia njema hujenga miamala salama ya kiuchumi isiyokua na dhulma wala ukandamizaji.
• - Tabia njema ni msingi wa utulivu wa nafsi kwa mtu na jamii.
• - Tabia njema ni msingi wa maendeleo ya jamii kwa ujumla.
• - Jamii yeyote isiyokua na tabia njema itakosa nguvu, heshima na maendeleo.
• - Jamii zenye maendeleo ni zile ambazo zinasifika kwa tabia njema.
• - Hatukatai wala hatuna shaka kua wairaqi wana baadhi ya tabia nzuri, kama vile ukarimu, upendo, mapenzi ya dini na taifa.
• - Jambo la kusikitisha kuna mapungufu ya ki-Akhlaq na vitendo vibaya katika jamii zetu, ambavyo lazima tuvikemee na kuviondoa kadri tuwezavyo.
• - Miongoni mwa mambo mabaya katika jamii yetu ni: ubinafsi, nao ni pale mtu anapo jali maslahi yake binafsi, wala hajali maslahi ya wengine na jambo hilo wanalo sana wenye madaraka.
• - Miongoni mwa mambo mabaya katika jamii yetu ni: uongo na unafiki pamoja na kutuhumu watu bila dalili na kujenga mfarakano kijamii na kisiasa.
• - Miongoni mwa mambo mabaya katika jamii yetu ni: ukabila na umadhehebu, ambao unasababisha watu wataifa moja wachukiane kwa misingi hiyo na wala wasisaidiane.
• - Miongoni mwa mambo mabaya katika jamii yetu ni: ni kushambuliana na kuvunjiana heshima hata kama anayeshambuliwa anahudumia taifa na raia.
• - Miongoni mwa mambo mabaya katika jamii yetu ni: kutumia nguvu katika kutatua mizozo ya kifamilia na mingineyo, ambayo inaweza kutatuliwa kwa njia za amani au za kisheria.
• - Miongoni mwa mambo mabaya katika jamii yetu ni: tabia ya rushwa, kufoji, kutakatisha pesa na kupora mali za umma.
• - Miongoni mwa mambo mabaya katika jamii yetu ni: mpasuko wa familia, mmomonyoko wa maadili, utumiaji wa dawa za kulevya, na watu kuiga mambo ya kimagharibi ambayo yako mbali na maadili ya kiiraq.
• - Miongoni mwa mambo mabaya katika jamii yetu ni: ni kulazimisha mtazamo wa mtu binasfi au kundi fulani kua mtazamo wa kila mtu.
• - Miongoni mwa tiba za matatizo hayo ni: kutoa haki inayo stahiki kwa somo la Akhlaq katika shule za msingi, sekondari na vyuo, sawa na masomo mengine ya sekula.
• - Miongoni mwa tiba za matatizo hayo ni: taifa linapokua na mmomonyoko wa maadili au matendo mabaya haifai kunyamaziwa, lazima watu wakemee maovu.
• - Tukizingatia misingi ya tabia njema katika jamii zetu tunaweza kujenga taifa lenye maendeleo.
• - Sio sahihi swala la tabia njema kuwa sawa na kauli mbiu ya kutamkwa mdomoni tu bila kufanyiwa kazi kwa vitendo.
• - Usafi, kufanya kazi kwa bidii na kuoneana huruma ni miongoni mwa tabia njema zinazo takiwa kufanyiwa kazi kwa vitendo.