Kuwakaribisha mazuwaru: Mauwa na miti imewekwa kwa umaridadi mkubwa ndani ya haram ya kipenzi wake na maeneo jirani katika kumbukumbu ya kuzaliwa kwa Zaharaa (a.s)…

Hakuna kiumbe anayependwa sana na Mwenyezi Mungu zaidi ya Mtume Muhammad (s.a.w.w), na hakuna anayependwa zaidi na Mtume kushinda kizazi chake na familia yake (a.s) na Fatuma ndio kipenzi wake zaidi; kwa sababu yeye ni pande lake la damu na roho yake, alisema kuhusu yeye kua: (Fatuma ni pande la damu yangu na mboni ya macho yangu, na tulizo la roho yangu, naye ni roho iliyo katikati ya mbavu zangu naye ni mwanaadamu mtakasifu), na yeye (a.s) atawaombea shifaa wapenzi wake wenye dhambi, atawatoa motoni kama vile ndege anavyo donoa mbegu nzuri na kuacha mbegu mbaya, kukumbuka kuzaliwa na kufa kwake ni jambo muhimu kwa wapenzi wake, kukumbuka kuzaliwa kwake kuna athari kubwa hususan katika malalo ya watu wa familia yake, hivyo hivyo katika malalo hii ya kipenzi wake na mnusuruji wa mwanae Abulfadhil Abbasi (a.s).

Mandhari ya furaha imetanda, kwa kuwekwa mapambo mbalimbali katika malalo ya Imamu Hussein na ndugu yake Abulfadhil Abbasi (a.s) na eneo la katikati yao, miongoni mwa mambo yanayo onyesha furaha ni yale yaliyo fanywa na kitengo cha utumishi (kikosi cha vitalu vya Alkafeel) katika Atabatu Abbasiyya, wameweka miti mbalimbali ya mapambo pamoja na mauwa mazuri katika eneo lote linalo zunguka Ataba tukufu, na ndani ya haram ya Abulfadhil Abbasi (a.s) pamoja na eneo la katikati ya haram mbili tukufu, kuna mabango mbalimbali yaliyo andikwa maneno ya pongezi na aya za Qur’ani pamoja na hadithi za Mtume na Ahlulbait (a.s).

Hali kadhalika kuta na nguzo za Ataba tukufu zimepambwa mauwa mazuri yanayo akisi furaha ya waumini katika mnasaba huu, kwa nini isiwe hivyo wakati tunasherehekea kuzaliwa kwa mbora wa wanawake wa duniani Fatuma Zaharaa (a.s).