العربية
English
فارسى
Türkçe
Français
Deutsch
Kiswahili
Español
انجینیئرنگ مینٹینس اینڈ کنسٹرکشن سیکشن کی طرف سے مرجان طبی ہسپتال میں تعمیر کیے جانے والے اس کورونا یونٹ کی اپ ڈیٹ کے بارے بات کرتے ہوئے مذکورہ منصوبہ کے تعمیراتی انچارج انجینیئر عمار صلاح نے بتایا کہ ہمارے ساتھیوں نے اس کورونا یونٹ میں آکسیجن پلانٹ کی تنصیب کا کام مکمل کر لیا ہے کہ جو فی گھنٹہ 36 مکعب میٹر آکسیجن تیار کرتا ہے۔ یہ دونوں آکسیجن پلانٹس PSA ٹیکنالوجی پر انحصار کرتے ہیں ، جس میں آکسیجن کو دوسری گیسوں سے الگ کرنے بعد باقی رہ جانے والی گیسوں کو جذب کرلیا جاتا ہے اور صرف آکسیجن کو آگے منتقل کیا جاتا ہے۔
یہ نظام عمارت کی ضروریات اور مستقبل میں کسی بھی اضافے کو مدنظر رکھتے ہوئے منتخب کیا گیا ہے جیسے الیکٹرانک طور سے کنٹرول کیا جاتا ہے۔ اس جدید نظام کو خصوصی ٹرانسمیشن ٹیوبز کے ذریعہ عمارت کے تمام 98 انفرادی کمروں سے منسلک کیا گیا ہے۔ اس جدید نظام میں گیس کی مقدار کو مرکزی طور پر کنٹرول کیا جاتا ہے۔
انہوں نے وضاحت کرتے ہوئے کہا: " میں آکسیجن پلانٹ کی تنصیب کے لئے عمارت کے باہر ایک جگہ مختص کی گئی تھی جس سے عمارت کے اپنے ڈیزائن پر کوئی اثر نہیں پڑا۔ "
ان کا کہنا تھا کہ یہ یونٹ 97٪ تک مکمل ہو گیا ہے اور باقی ماندہ کام کو جلد پورا کر کے اسے محکمہ صحت کے حوالے کر دیا جائے گا۔
واضح رہے اس کورونا یونٹ کا کل رقبہ 3500 مربع میٹر ہے اور اس میں تمام سہولیات پر مشتمل سویت ٹائپ کے 98 انفرادی کمرے مریضوں کے مختص کیے گئے ہیں اور اس کے علاوہ 25 کمرے طبی اور اداری عملے کے لیے مختص ہیں۔
یاد رہے کہ روضہ مبارک حضرت عباس(ع) کے انجینیئرنگ مینٹینس اینڈ کنسٹرکشن سیکشن کی طرف بابل گورنریٹ میں تعمیر کیا جانے والے اس کورونا یونٹ سے پہلے دو کربلا، ایک ہندیہ، ایک مثنٰی اور ایک نجف اشرف میں کورونا ہسپتال تعمیر کر چکا ہے کہ جہاں کورونا کے مریضوں کا علاج کیا جا رہا ہے جبکہ اس وقت روضہ مبارک کی طرف سے بغداد میں کورونا کے علاج کے لیے مراکز تعمیر کیے جا رہے ہیں اور انھیں مکمل کرنے کے لیے بہت تیزی سے کام کیا جا رہا ہے۔
