شام میں ٹریفک حادثے کے نتیجہ میں جاں بحق ہونے والے عراقی زائرین کے جنازے نجف ایئر پورٹ پہنچ چکے ہیں

شام میں ٹریفک حادثے کے نتیجہ میں جاں بحق ہونے والے عراقی زائرین کے جنازے روضہ مبارک حضرت زینب (سلام اللہ علیہا) میں تشیع جنازہ اور نیابتی زیارت کی ادائیگی کے بعد آج بروز منگل فجر کے وقت نجف ہوائی اڈے پر پہنچے کہ جنھیں عراقی وزارت دفاع کے ایک جہاز کے ذریعے شام کے دار الحکومت دمشق سے نجف اشرف کے ہوائی اڈے پہ لایا گیا۔

روضہ مبارک حضرت عباس(ع) کے متولی شرعی علامہ سید احمد صافی (دام عزہ) کی ہدایت اور انتظامیہ کی کاوشوں سے جاں بحق ہونے والے زائرین کے جنازے آج بروز منگل (14 رجب 1441ھ) بمطابق (10 مارچ 2020ء) فجر کے وقت نجف ہوائی اڈے پر پہنچے اور وہاں سے کربلا لائے گئے۔ جنازوں کو شام سے عراق لانے کے لیے روضہ مبارک حضرت عباس(ع) کی انتظامیہ نے عراقی وزارت خارجہ، عراقی وزارت دفاع، شام میں عراقی سفارت خانے، سیکورٹی قائدین اور کربلا کی مقامی حکومت اور مقامی محکمہ صحت کے تعاون سے تمام امور کو جلد سے جلد اور باطریق احسن سرانجام دیا۔

جبکہ اس سے پہلے بروز پیر (13 رجب 1441ھ) بمطابق (9 مارچ 2020ء) کو روضہ مبارک حضرت عباس(ع) کے خدام اس حادثے میں زخمی ہونے والے زائرین کو دمشق سے عراق لانے کے بعد ان کا الکفیل ہسپتال میں علاج شروع کروا چکے ہیں، الکفیل میں زیر علاج کربلا، مثنیٰ اور بغداد سے تعلق رکھنے والے ان تیس زخمیوں کے علاوہ چار زخمی زائرین اب بھی سوریا میں ہیں جن کی حالت کے پیش نظر ڈاکٹروں نے انھیں سفر کرنے کی اجازت نہیں دی۔

واضح رہے کہ روضہ مبارک حضرت عباس(ع) کے متولی شرعی علامہ سید احمد صافی (دام عزہ) نے اس المناک حادثے کی اطلاع ملتے ہی زخمیوں اور جنازوں کو جلد عراق لانے اور زخمیوں کا مفت علاج کرنے کے لیے اپنی کابینہ کو تمام ضروری اقدامات کرنے کی ہدایت کی۔