انجینئرنگ پروجیکٹس ڈویژن نے سفیر امام حسین علیہ السلام ہسپتال ، الکفیل اسپیشلائزڈ ہسپتال اور امام حسین علیہ السلام میڈیکل سٹی میں جدید اسٹرلائزیشن سسٹم نصب کیا ہے

روضہ مبارک حضرت عباس علیہ السلام کے انجینئرنگ پروجیکٹس ڈویژن کے عملے نے ناول کورونا وائرس کے پھیلاؤ کو روکنے کے لئے کربلا مقدسہ میں سفیر امام حسین علیہ السلام ہسپتال ، الکفیل اسپیشلائزڈ ہسپتال اور امام حسین علیہ السلام میڈیکل سٹی میں جدید اسٹرلائزیشن سسٹم انسٹال کیا ہے جو خود کا ر طریقے سے کام کرتا ہے۔
مذکورہ محکمہ کی ورکشاپ کے سینئر آفیشل انجینئر مصطفی سعد نے الکفیل نیٹ ورک سے بات کرتے ہوئے کہا: "یہ نظام آئرن سٹرکچر، موومنٹ سینسر اورکیمیکل ٹینک اور واٹر پمپس پر مشتمل ہے۔"
انھوں نے کہا: "یہ خود کار جراثیم کش نظام لوگوں اور چیزوں کو جراثیم سے پاک کرتا ہے جس سے کورونا وبائی مرض کا خطرہ کم ہوجاتا ہے۔"
الکفیل اسپیشلائزڈ اسپتال میں انفیکشن کنٹرول یونٹ کے سربراہ ڈاکٹر مہدی صاحب نے کہا: "یہ سسٹم ٹھوس اشیاء کے علاوہ لوگوں کو جراثیم کش بنانے کے لئے استعمال کیا جاتا ہے ، جیسے مریضوں کے بستر ، آکسیجن سلنڈر ، اور دیگر اشیاء۔ اس نظام میں جراثیم کشی کے لئے آکسیڈائزنگ واٹر کا استعمال کیا جاتا ہے جو بیکٹیریا اور وائرس کو ختم کرنے کی انتہائی صلاحیت رکھتا ہے۔ "