روضہ مبارک حضرت عباس (علیہ السلام) کی لائبریری اور دارالمخطوطات سینکڑوں پوسٹ گریجویٹ طلباء کو بلامعاوضہ ریموٹ ای لون سروس مہیا کررہی ہے

روضہ مبارک حضرت عباس (علیہ السلام) کی لائبریری اور دارالمخطوطات نے اعلان کیا ہے کہ پوسٹ گریجویٹ مطالعات کے 364 سے زیادہ محققین ای لون سروس سے فائدہ اٹھا رہے ہیں۔ لائبریری نے یہ ای لون سروس ناول کورونا وبا کے پھیلنے اورملک کے تمام خطوں میں اس کے پھیلاؤ کو محدود کرنے کے لئے کرفیو کے نفاذ کے بعد شروع کی تھی۔
روضہ مبارک حضرت عباس (علیہ السلام) کی لائبریری اور دارالمخطوطات کے ڈیجیٹل انفارمیشن سنٹر کے جناب عمار حسین الجواد نے الکفیل نیٹ ورک سے بات کرتے ہوئے کہا: "ہمیں کرفیو اور قرنطائن کے عرصہ میں 364 سے زیادہ پوسٹ گریجویٹ طلبہ کی درخواستیں موصول ہوئیں اور ان تمام درخواستوں کا جواب دیا گیا۔
انھوں نے کہا:" ہم نے کام کی رفتار کو تیز کرنے کے لئے کوششیں جاری رکھی ہیں ، اور محققین سے موصول ہونے والے سوالات کے جوابات کے دینے کے لئے اس سروس کو وسعت دیتے ہوئے ایک موبائل نمبر بھی وقف کیا گیا ہے اور ہم لائبریری کے آفیشل فیس بک پیج اور ای میل کے ذریعہ موصول ہونے والے سوالات کے جوابات بھی دے رہے ہیں۔"
الجواد نے مزید کہا: "ہم نے اس مفت خدمت کے سلسلے میں بین الاقوامی فیڈریشن آف لائبریری اینڈ انفارمیشن (IFLA) سے رابطہ کیا ہے، جس کی وجہ سے روضہ مبارک حضرت عباس (علیہ السلام) کی لائبریری کو خصوصی فیڈریشن کی رپورٹ میں شامل کیا گیا جس میں کورونا وبائی امراض کے دوران لائبریری کے کردار کی تعریف کی گئی ہے۔
واضح رہے کہ عراق کی سطح پراس نوعیت کی یہ واحد سروس ہے جو مفت فراہم کی جاتی ہے اور اس کا ذکر بین الاقوامی فیڈریشن آف لائبریری اینڈ انفارمیشن (IFLA) کی رپورٹ میں مراکش کی قومی لائبریری جو ای کتابوں تک مفت رسائی فراہم کرتی ہے،کے ساتھ کیا گیا تھا۔ عرب ممالک کی سطح پر صرف ان دو لائبریریوں کا ذکر بین الاقوامی فیڈریشن آف لائبریری اینڈ انفارمیشن (IFLA) کی رپورٹ میں کیا گیا ہے۔

بین الاقوامی فیڈریشن آف لائبریری اینڈ انفارمیشن کی رپورٹ دیکھنے کے لئے لنک پر کلک کریں۔

https://www.ifla.org/covid-19- اور

لائبریری ای قرض دینے والی خدمت کو دیکھنے اور ریموٹ الیکٹرانک کتابوں کی درخواست کرنے کے لئے ، لنک پر کلک کریں:

https://forms.gle/ua35GhvfWtjnGMNf8