العربية
English
فارسى
Türkçe
Français
Deutsch
Kiswahili
Español
اس منصوبے کے نگران انجینئر علی الحر نے الکفیل نیٹ ورک سے بات کرتے ہوئے کہا: منصوبے کے پہلے حصے میں سینڈوچ پینلز کی تنصیب کا 40 فیصد سے زیادہ کام کیا چکا ہے ، اور اس حصے کی زیادہ تر دیواروں کو مکمل کیا جا چکا ہے اور اب صرف چھت ڈالنے کا مرحلہ باقی ہے ۔ پانچویں الحیات کورونا یونٹ کا پہلا حصہ 1377 مربع میٹر رقبے پر مشتمل ہے جس میں مریضوں کے لئے 56 آئسولیشن رومز ہیں۔
انہوں نے مزید کہا: " دروازوں اور کھڑکیوں کو لگانے کے لئے بھئ تمام ابتدائی کام مکلمل کئے جا چکے ہیں جبکہ اس حصے میں باتھ رومز میں سیوریج لائنز بچھانے اور فرش ڈالنے کا کام بھی تکمیلی مراحل میں ہے اور فرش پر سیرامک ٹائلز لگانے کی تیاریاں کی جا رہی ہیں۔"
اس یونٹ کے دوسرے حصوں کے بارے میں بات کرتےانھوں نے کہا کہ: " اس منصوبے کے دوسرے حصے کے لئے آہنی ڈھانچہ کھڑا کرنے کے لئے تیاریاں مکمل کر لی گئی ہیں جبکہ تیسرے اور آخری حصے میں جلد ہی ٹھوس بنیادیں ڈالنے کا کام شروع کر دیا جائے گا۔"
پانچویں الحیات کورونا ریکوری یونٹ 5،000 مربع میٹر کے رقبے پر تین حصوں میں تعمیر کی جا رہی ہے۔ یہ عمارت 120 کمروں پر مشتمل ہو گی اورہر کمرے کے ساتھ اٹیچڈ باتھ روم کی سہولت ہو گی۔ ہر کمرے کا رقبہ 15 مربع میٹر اور باتھ روم کا رقبہ (1.25میٹر × 2میٹر) ہوگا۔ اس کے علاوہ ، مرکز میں کام کرنے والے میڈیکل سٹاف اور سروسز سٹاف کے لئے چینج روم اور ڈاکٹرز اور نرسز کے لئے دو خصوصی کمرے بھی ہوں گے۔ اس کے علاوہ ، انتظامیہ ، اسٹوریج اور فارمیسی کے لئے بھی تین کمرے ہیں اور ممکن ہے کہ مریضوں کی بڑھتی ہوئی تعداد کے پیش نظر یونٹ میں مزید جگہ یا مزید کمرے شامل کیے جائیں۔"
