العربية
English
فارسى
Türkçe
Français
Deutsch
Kiswahili
روضہ مبارک کی لائبریری اور دارمخطوطات سے وابستہ مذکورہ بالا سنٹر کے انچارج حسنین موسوی نے بتایا ہے کہ ہم نے مختلف موضوعات پر اُس زمانے میں ١٧ ملکی اور عالمی ورکشاپس کا انعقاد کیا کہ جب عراق اور پوری دنیا میں کورونا کی وجہ سے اس قسم کی سرگرمیاں رک چکی تھیں لیکن ہم نے اس وقت کو بھی ثمر آور بنانے کی کوشش جاری رکھی۔
انھوں نے مزید بتایا کہ ہماری کاوشوں کو (IFLA) نے بھی بہت سراہا ہے اور انھوں نے بھی ہماری ورکشاپس کو سال کی بہترین ورکشاپس قرار دیا ہے اور اسی طرح سے اقوام متحدہ نے اپنی رپورٹ میں لائیریوں کے لیے شروع کیے گئے پروگرام پائیدار ترقیاتی اہداف ورژن2030 کے ضمن میں روضہ مبارک حضرت عباس علیہ السلام کے سنٹر فار انڈیکسنگ اینڈ انفارمیشن سسٹم کی ورکشاپس کو مسلسل دوسری دفعہ عراق کی سطح پر سال کی بہترین ورکشاپس قرار دیا ہے۔
